Entrada Natunova

Naturnova é un centro interactivo, cunha exposición permanente de temática ambiental, que se atopa  na sede Afundación, en pleno corazón de Vigo.

O seu principal obxectivo é estimular o coñecemento do mundo que nos rodea para aprender a valoralo, respectalo e querelo. Ninguén quere aquilo que descoñece.

Un simulador dun submarino, maquetas, cheiros, sons, xogos interactivos, mapas... , todo iso axuda a descubrir e coñecer de forma divertida e amena a nosa contorna.

Neste centro pódese ver o sistema solar en movemento, escoitar unha tormenta, gozar da realidade virtual sobrevoando Galicia ou viaxar ao fondo da ría de Vigo.

O percorrido comeza cunha visión do Universo, a nosa galaxia e o sistema solar, para continuar con todos os elementos que condicionan a vida no noso planeta (o solo, a auga, o aire) e tamén os seres vivos cos que compartimos o noso espazo. Finaliza coa relación entre o ser humano e o medio que lle rodea: como utiliza os recursos, como afecta á contorna ao usalos, e como, actualmente, trata de solucionar os problemas que creou.

Salas

Sala I -

O Universo: Nela pódense coñecer a estrutura e organización dos corpos celestes no Universo, descubrir onde nacen as estrelas e que son o Big bang ou os buracos negros. Tamén se mostran os planetas do sistema solar en movemento e as órbitas que describen, así como a súa posición nun día concreto. Ademais, pódese crear un planeta habitable ou descubrir cales foron os eventos máis importantes na aparición da vida na Terra.

Sala II -

O noso Planeta: Aquí móstrase a importancia que teñen o aire, a auga e o solo para o desenvolvemento da vida. Descóbrese como sería a Terra se nela non existise auga e tamén datos referidos á meteoroloxía, o ciclo da auga, os solos e as rochas de Galicia. Ademais, se analiza a gran variedade de seres vivos existentes no planeta, as relacións que se establecen entre eles, etc.

Sala III -

O Home e o seu Medio: Esta sala apréndenos como a humanidade utiliza os recursos da natureza. Tamén nos mostra os impactos producidos no medio e as solucións para paliar os mesmos: a reciclaxe, as enerxías renovables, as condutas responsables no uso dos recursos, etc.

É un gran espazo de entretemento, diversión e aprendizaxe!.