O Servizo de Normalización Lingüística (SNL) do Concello de Vigo, é unha ferramenta a disposición de toda a cidadanía e constitúe un instrumento indispensable nos procesos de recuperación e dinamización da lingua.

Os seus obxectivos prioritarios son incrementar o coñecemento e o uso do galego, así como recobrar o prestixio da propia lingua, garantindo a súa presenza en todos os ámbitos.

O labor do SNL desenvólvese en dúas vertentes: lingüística e dinamizadora, e en dous campos de actuación: a administración e o termo municipal.

As súas accións céntranse fundamentalmente en:

• Asesoramento lingüístico de particulares e empresas.
• Información sobre cursos de lingua galega, lexislación, dereitos e deberes lingüísticos, materiais, axudas económicas para a galeguización...
• Campañas que incidan no uso e valoración da lingua galega, actuacións estas realizadas individualmente polo Concello, ou conxuntamente con outras institucións, asociacións... e sempre implicando nelas aos vigueses e viguesas.
• Biblioteca

A Comisión Cidadá de Normalización Lingüística e o Consello Social da Lingua xorden coa intención de obter a participación dos cidadáns e cidadás.

Ordenanza de Normalización Lingüística: ordenanza de normalización lingüística que regula a relación administrativa entre a cidadanía e a administración local.