As UTS ou Unidades de Traballo Social son a "porta de entrada" ao Sistema de Servizos Sociais e ofrecen un Servizo de Información público, para toda a poboación, desde onde se facilita de forma profesional e confidencial, información sobre os servizos sociais, recursos e prestacións a disposición das cidadás e cidadáns, así como os dereitos que teñen tanto a nivel individual como grupal.

Nelas valóranse as necesidades expostas, orientase aos recursos máis axeitados, intervindo profesionalmente cando as persoas así o demandan, cara a garantir unha atención persoal e social de calidade, ofrecendo:

• Información , valoración, diagnóstico e orientación á poboación no que respecta aos seus dereitos, recursos e intervencións sociais que lles poidan corresponder.
• Proporcionando o Servizo de Axuda no Fogar, aloxamento alternativo, prestacións económicas e de emerxencia social.
• Realizando actuacións preventivas das situacións de risco e necesidade social do conxunto da poboación, intervindo para acadar a integración social.

Onde estamos:

O Concello de Vigo dispón de cinco Centros Municipais de Servizos Sociais (CMSS), nos que se agrupan as dezasete UTS:

Onde acudir:

Para solicitar cita previa na UTS, as persoas deben dirixirse á que lle corresponda segundo o seu enderezo, utilizando o buscador ou consultando as Unidades de Traballo Social no Rueiro.