Emprego Local

Noticias de Emprego

Lista de noticias

Noticias

2024-02-01. O Concello lidera a transformación dixital das empresas con "Vigo Dixital Pemes"

Foto noticia
"En Vigo temos que estar moi por diante dos demais en todo o relacionado coa transformación dixital das pequenas e medianas empresas e, igual que na proxección mundial do Nadal, temos que ser líderes neste proceso porque a cidade é economía\". É a mensaxe central que dirixiu este xoves o alcalde aos directivos das pemes que participarán no programa "Vigo Dixital Pemes", e que será impartido polo Centro de Estudos Universitarios Superiores de Galicia, polo que recibirán de forma gratuíta 140 horas de formación, que están valoradas en 14.000 euros. O programa está financiado cos fondos europeos Next Generation EU do Goberno de España. (Ver noticia en xornal.vigo.org)

2024-01-10. O alcalde mantén unha xuntanza coa UPTA

Foto noticia
Abel Caballero recibiu á directiva da Unión de Profesionais e Traballadores Autónomos de España na que abordaron a situación do autoemprego e a súa evolución da cidade. Eduardo Abad e Estela Díaz presentaron ao rexedor a Estratexia Autónomos Horizonte 23-27 dirixida á cidade e a cal o alcalde amosou o seu apoio "para seguir con esta acción tan importante para a economía da cidade". Este plan ten como obxectivos impulsar o traballo autónomo, favorecer o emprendemento, a dixitalización e o entorno de negocios en Vigo, "que ten un comportamento extraordinario". (Ver noticia en xornal.vigo.org)

2024-01-09. O alcalde reúnese cunha representación de avogados e procuradores da quenda de oficio

Foto noticia
Abel Caballero, acompañado pola concelleira Yolanda Aguiar, trasladou o apoio municipal a Darío Costas e María Jesús Martínez, representantes da Plataforma Marea Negra que acolle aos avogados e procuradores da quenda de oficio. Son traballadores que prestan "un servizo tan importante para os dereitos fundamentais" e que reivindican a mellora das condicións de traballo e remuneración que teñen desde a Xunta de Galicia que é \"insuficiente e manifestamente mellorable" e a incorporación ao réxime da Seguridade Social logo do cambio experimentado nas condicións da súa mutualidade. O rexedor lembrou que o Pleno do Concello aprobou en outubro de 2023 unha moción do grupo socialista sobre a dignificación destes profesionais. (Ver noticia en xornal.vigo.org)

2024-01-02. O Concello inicia en xaneiro dez cursos de formación para o emprego

Foto noticia
Abel Caballero anunciou este martes que na primeira quincena de xaneiro comezarán a impartirse os dez cursos de formación para o emprego, enmarcados no plan "Vigo Emprega", dotados polo Concello cun presuposto de máis de 46.000 euros. (Ver noticia en xornal.vigo.org)

2023-12-15. O Concello axuda a 56 emprendedores a crear a súa empresa

Foto noticia
Abel Caballero anunciou este venres o acordo da Xunta de Goberno de axudar a 56 emprendedores de Vigo a crear a súa empresa. (Ver noticia en xornal.vigo.org)

2023-12-14. O Concello lánzase a liderar a transformación dixital de pequenas e medianas empresas con "Vigo dixital pemes"

Foto noticia
A partir de hoxe queda aberto o prazo de inscrición para que directivos e responsables de equipos de pequenas e medianas empresas de Vigo reciban un curso gratuíto de 140 horas de formación en procesos de dixitalización, destinado a aumentar a competitividade das pemes. Así o anunciou este xoves a terceira tenente de alcalde, Elena Espinosa, ao presentar o proxecto "Vigo dixital pemes", e avanzar que o obxectivo do goberno municipal é que a cidade "lidere o cambio dixital". (Ver noticia en xornal.vigo.org)

2023-11-30. O Concello conta no Casco Vello cun centro pioneiro de Formación y Emprego cofinanciado con fondos FEDER

Foto noticia
A fisonomía do Casco Vello de Vigo avanza no seu proceso de transformación coa entrada en actividade do novo Centro de Formación e Emprego construído no número 23 da Rúa Alta. A obra, cun orzamento de 776.360 euros, está cofinanciada polo Fondo Europeo de Desenvolvemento Rexional, FEDER, no marco da liña de actuación 19 da Estratexia de Desenvolvemento Urbano Sostible e Integrado, EDUSI VigoVertical, de accións formativas e de especialización para colectivos en risco de exclusión. (Ver noticia en xornal.vigo.org)

2023-11-20. O Concello mantén o apoio gratuíto a pemes e autónomos a través de VigoEmprende

Foto noticia
Abel Caballero asistiu ao primeiro obradoiro sobre marketing, finanzas e estratexia empresarial que está a desenvolver o programa municipal VigoEmprende. Desde 2020 atendéronse 5.000 servizos a empresas para o apoio na súa implantación e consolidación de negocio así como asesoría fiscal, xurídica ou tecnolóxica. (Ver noticia en xornal.vigo.org)

2023-10-20. O Concello contratará a 75 desempregados no plan "Vigo Emprega"

Foto noticia
Abel Caballero avanzou este venres que a partir do 1 de novembro o Concello contratará a 75 persoas dentro do programa do Plan de Emprego Municipal "Vigo Emprega". (Ver noticia en xornal.vigo.org)

2023-09-21. O alcalde felicita ao alumnado do obradoiro de emprego da Mancomunidade de Vigo

Foto noticia
Abel Caballero e Patricia Rodríguez, concelleira da Área de Seguridade, Contratación e Xestión Municipal participaron este xoves na Casa Galega da Cultura na entrega de diplomas do obradoiro mixto de emprego e formación \"Maiv Dual 2023", promovido pola Mancomunidade de Vigo e financiado con fondos europeos. O rexedor valorou como "importante, longa e completa" a formación que recibiron as arredor de trinta persoas desempregadas, das que catro veñen de atopar traballo. (Ver noticia en xornal.vigo.org)
 

Concello de Vigo

Praza do Rei - 36202 - Vigo (Pontevedra) - Teléfono: 010 - 986810100