Limpeza de rúas

Os traballos de limpeza de rúas, camiños e viarios, realízanos os propios operarios do servizo de limpeza, organizados en brigadas de limpeza.

Estas tarefas realízanse ao longo de todo o ano, en función das necesidades de cada estación, e das necesidades municipais específicas determinadas por eventos deportivos, culturais ou sociais.

Algúns labores realízanse manualmente e para outras contan con medios mecánicos, como:

• vehículos recolectores.
• tractores.
• rozadoras.
• e outros...

O resto dos servizos de limpeza, realízanos diferentes empresas concesionarias.

Limpeza de praias

A limpeza de praias realízana traballadores municipais do Servizo de Limpeza, organizados en brigadas, con medios mecánicos, durante todo o ano, segundo as necesidades do momento.

Durante os fins de semana, desde o 15 de xuño ata o 15 de setembro, a empresa concesionaria FCC, realiza ademais a limpeza manual e retirado de algas.