Título da Mostra: "Esencia dunha colección". Afundación

A esencia da Colección de Afundación é celebrar o xenio creador dos artistas galegos, por en valor as aportacións realizadas por eles ao longo dos tempos e compartir con toda a sociedade a beleza, intensidade e atractivo da arte nacida do espírito galego. Esa é a esencia, ese é o motor da súa creación, e o inspirador desta mostra. Unha selección que amosa algúns dos artistas máis representativos da escena galega. Outros moitos merecerían tamén poboar este percorrido e farano en sucesivas revisións da colección, como tamén o fixeron en mostras pasadas. A riqueza e diversidade do noso panorama artístico permite e aconsella diferentes lecturas e escolmas, para gozo dos amantes da arte e da nosa terra.