A Oficina de Rehabilitación está encargada de tramitar as axudas establecidas e comprometidas para a posta en valor dos ámbitos históricos da cidade e outros como as ARIs de Coia e Santa Clara. Suxire intervencións nos espazos públicos, alicientes que se valoran para xerar actuacións nestas áreas da cidade.

Servizos que se prestan

• Asesoramento técnico, visitas técnicas, suxestións de intervención óptima nos inmobles, supervisión de orzamentos e facturas.
• Información de axudas dos distintos plans de vivenda.
• Información das axudas compatibles dentro dos ámbitos e liñas de financiamento:
  • Conxuntos históricos,
  • Patrimonio histórico municipal,
  • Consorcio do Casco Vello,
  • IDAE,INEGA, IGAPE, etc...
• Información aos técnicos encargados da redacción de proxectos de obras maiores
• Redacción de documentación técnica para a obtención de licenzas de obras menores.
• Seguimento de tramitación das licenzas solicitadas.
• Estreita colaboración cos propietarios e propietarias.
• Colaboración con servizos sociais en casos de insolvencia.

Delimitación das Áreas de Rehabilitación declaradas no Concello de Vigo

Na cidade de Vigo están declaradas catro Áreas de Rehabilitación Integral, a do Casco Vello en 1997, en 2003 a do Barrio Histórico de Bouzas e en 2015 declaráronse as Areas de Rexeneración e Renovación Urbana do Grupo de Casas de Santa Clara e a de Bueu-Moaña en Coia, nestá última aprobouse unha ampliación en 2018.

As súas delimitacións pódense consultar nos seguintes enlaces:

• Área PEPRI Casco Vello. Plano de delimitación da área de rehabilitación do Casco Vello.
• Área PEPRI Bouzas. Plano de delimitación da área de rehabilitación do barrio histórico de Bouzas.
• Área de Rehabilitación Bueu-Moaña do polígono de Coia. Plano de delimitación do ámbito.
• Área de Rehabilitación do Grupo de Casas de Santa Clara. Plano de delimitación do ámbito.

Axudas nas ARIs Declaradas

Nestes intres estanse a desenrolar as seguintes actuacións incluídas nas Convocatorias de subvencións á rehabilitación de edificios e vivendas nas Áreas de Rehabilitación Integral do Concello:

• As incluídas no Plan Estatal de Vivenda 2018-2021 (BOE 61 de 10/03/2018), correspondentes coa Fase 16ª do Casco Vello, a Fase 11ª do Barrio histórico de Bouzas, a Fase 3ª das rúas Bueu-Moaña en Coia e a Fase 3ª de Santa Clara. Ditas actuacións deberán estar rematadas e xustificadas antes do 30 de novembro de 2021.

 

• As incluídas na Prórroga do Plan Estatal de fomento do alugueiro de vivendas, a rehabilitación e a rexeneración e renovación urbanas 2013-2016 (BOE 298 do 10/12/2016), correspondentes coas Fases 13ª, 14ª e 15ª do Casco Vello, as Fases 8ª, 9ª e 10ª do Barrio histórico de Bouzas, as Fases 1ª e 2ª das rúas Bueu-Moaña en Coia e as Fases 1ª e 2ª de Santa Clara. Ditas actuacións deberán estar rematadas e xustificadas antes do 30 de novembro de 2019.

Desde esta oficina estase a traballar na publicación de novas convocatorias, mentres tanto, calquera interesado/a en recibir información ou en que se realice unha visita ao inmoble a rehabilitar -á espera de solicitar axuda en seguintes convocatorias- pode presentar por rexistro na Xerencia de Urbanismo do Concello de Vigo o seguinte formulario, de forma presencial ou telemática segundo proceda, xunto coa documentación acreditativa correspondente (da titularidade do inmoble e o DNI/CIF do solicitante).

Normativa Reguladora

• Plan Estatal 2018-2021 (PEV 2018-2021):

  Bases reguladoras aplicables á concesión de subvencións á rehabilitación de edificios e vivendas nas ARIs de Vigo con financiamento da anualidade 2018 do Programa de Rexeneración e Renovación Urbana e rural do Plan Estatal de Vivenda 2018-2021.

• Real Decreto 106/2018, do 9 de marzo, polo que se regula o Plan Estatal de Vivenda 2018-2021. Publicado no BOE número 61.

  • Aplicación na Comunidade Autónoma de Galicia do PEV 2018-2021
    • Resolución do 31 de maio de 2019 pola que se modifica a Resolución do 3 de agosto de 2018 pola que se regula o procedemento para a participación no Programa de fomento da rexeneración e renovación urbana e rural do Plan estatal de vivenda 2018–2021, se abre o prazo de presentación de solicitudes e se establecen as bases reguladoras das axudas previstas para este programa, e pola que se convoca a participación neste programa para a anualidade 2019 (código de procedemento VI408K).
    • Resolución do 3 de agosto de 2018 pola que se regula o procedemento para a participación no Programa de fomento da rexeneración e renovación urbana e rural do Plan estatal de vivenda 2018-2021, se abre o prazo de presentación de solicitudes e se establecen as bases reguladoras das axudas previstas para este programa.

• Plan Estatal 2013-2016

  Bases reguladoras aplicables á concesión de subvencións á rehabilitación de edificios e vivendas nas ARIs de Vigo con financiamento do Programa de Rexeneración e Renovación Urbanas do Plan Estatal de Fomento do alugamento de vivendas, a rehabilitación edificatoria e a rexeneración e renovación urbanas, 2013-2016Bases que regulan convocatorias anteriores, con obras aínda en execución.

  • Resumo na web do Ministerio de Fomento
  • Real Decreto 233/2013, do 5 de abril, polo que se regula o Plan Estatal 2013-2016.
  • Orde do 9 de marzo de 2015 pola que se establecen as bases reguladoras do Programa de rexeneración e renovación urbanas do Plan estatal 2013-2016.
  • Orde FOM/2252/2014, do 28 de novembro, pola que se determina a efectividade das liñas de axudas previstas no RD 233/2013.
  • Real Decreto 637/2016, de 9 de decembro, polo que se prorroga o Plan Estatal de fomento do alugamento de vivendas, a rehabilitación edificatoria e a rexeneración e renovación urbanas 2013-2016, regulado polo Real Decreto 233/2013, de 5 de abril.
• Aplicación na Comunidade Autónoma de Galicia do Plan Estatal 2013-2016
  • Convenio de colaboración asinado entre o Ministerio de Fomento e a C.A. de Galicia para a execución do Plan estatal de fomento do alugamento de vivendas, a rehabilitación edificatoria e a rexeneración e renovación urbanas 2013-2016.
  • Decreto 18/2014, do 13 de febreiro, polo que se determinan os aspectos básicos dos programas autonómicos de rehabilitación de vivendas e se dan directrices para o desenvolvemento do Plan estatal de fomento do alugamento de vivendas, a rehabilitación edificatoria e a rexeneración e renovación urbanas, 2013-2016, no ámbito da Comunidade Autónoma de Galicia.
  • Orde do 23 de xuño de 2017 pola que se procede a abrir o prazo para solicitar a participación na prórroga do programa de rexeneración e renovación urbanas do Plan estatal de fomento do alugamento de vivendas, a rehabilitación edificatoria e a rexeneración e renovación urbanas 2013-2016, e se establecen as súas bases reguladoras e as das axudas autonómicas previstas para este programa.
  • Resolución do 1 de agosto de 2017 da Dirección General de Arquitectura, Vivienda y Suelo, pola que se publica o Convenio de colaboración coa Comunidade Autónoma de Galicia, para a execución da prórroga do Plan Estatal de fomento do aluguer de vivendas, a rehabilitación edificatoria, e a rexeneración e renovación urbanas, 2013-2016.
• Normativa reguladora dos Plans Vivenda anteriores
  • Ordenanza municipal reguladora das axudas para a rehabilitación de edificios e vivendas na área de rehabilitación do centro histórico do Casco Vello e da área de rehabilitación integral do Barrio Histórico de Bouzas Aprobada definitivamente polo Pleno do Concello o día 6 de setembro de 2010, publicada no BOP de Pontevedra o 24 de septembro de 2010

Outras axudas complementarias

Neste apartado incorpóranse programas de axudas compatibles coas axudas nas ARIS.

• RESOLUCIÓN e EXTRACTO do 18 de decembro de 2019 pola que se aproban as bases reguladoras das subvencións para proxectos de enerxía solar fotovoltaica dirixidas a particulares, para o ano 2020 (código de procedemento IN421O).
• RESOLUCIÓN e EXTRACTO do 18 de decembro de 2019 pola que se aproban as bases reguladoras das subvencións para proxectos de enerxías renovables de uso térmico dirixidas a particulares, para o ano 2020 (código de procedemento IN421P)
• ORDE do 28 de marzo de 2019 pola que se establecen as Bases reguladoras que rexerán as axudas destinadas á colaboración no financiamento de intervencións arqueolóxicas e se procede á súa convocatoria para o ano 2019

Outras axudas

Neste apartado incorpóranse outros programas de axudas non compatibles coas ARIS de Vigo:

• Resolución e extracto do 15 de xullo de 2019 pola que se establecen as bases reguladoras das subvencións dos programas de fomento de mellora da eficacia enerxética e sustentabilidade e de fomento da conservación, da mellora da seguridade de utilización e da accesibilidade en vivendas do Plan estatal de vivenda 2018-2021, e se convocan para o ano 2019, con carácter plurianual (código de procedemento VI422E)
• RESOLUCIÓN do 20 de xuño de 2019 pola que se regula o procedemento para participar no Programa de fomento da rexeneración e renovación urbana e rural do Plan de vivenda 2018-2021 e se establecen as bases reguladoras das subvencións correspondentes ás áreas de rehabilitación integral dos Camiños de Santiago e do Parque Nacional das Illas Atlánticas (códigos de procedemento VI408F e VI408G)
• EXTRACTO e RESOLUCIÓN do 3 de agosto de 2018 pola que se establecen as bases reguladoras das subvencións dos programas de fomento de mellora da eficacia enerxética e sustentabilidade en vivendas e de fomento da conservación, da mellora da seguridade de utilización e da accesibilidade en vivendas do Plan estatal de vivenda 2018-2021, e se convocan para o ano 2018, con carácter plurianual. O prazo é de un mes a partir do 22/08/2018.
  • Bases reguladoras
  • Extracto das bases
• EXTRACTO e ORDE do 18 de maio de 2018 pola que se establecen as bases reguladoras das subvencións públicas con cargo aos orzamentos xerais do Estado na área de influencia socioeconómica do Parque Nacional Marítimo-Terrestre das Illas Atlánticas de Galicia e se convocan para o exercicio orzamentario do ano 2018.