A Oficina de Planeamento e Xestión está encargada da tramitación e seguemento da avaliación ambiental estratéxica de plans e programas, redacción e tramitación de todo tipo de plans urbanísticos, tanto de iniciativa pública como privada e do seguimento e execución do Plan Xeral de Ordenación Urbana (PXOU).

Entre os servizos que se prestan, están os de información e asesoramento especializado sobre o desenvolvemento do PXOU, información urbanística, avaliación ambiental estratéxica de plans e programas, expedición de informes, certificacións urbanísticas, e contestación a consultas urbanísticas especiais.

En relación coa execución do planeamento, nesta oficina lévase a cabo a redacción, información, seguemento e control dos instrumentos de equidistribución e proxectos de urbanización ata a súa recepción.

Servizos que se prestan

• Asesoramento técnico.
• Información sobre planeamento urbanístico: Plan Xeral (PXOU) e Plans de desenvolvemento.
• Información sobre programación e estratexia de actuación do PXOU.
• Expedición de:
  • Informacións urbanísticas.
  • Certificacións urbanísticas.
• Resposta a consultas urbanísticas especiais.
• Tramitación e seguimento da avaliación ambiental estratéxica (AAE) de plans e programas.
• Tramitación de instrumentos de normalización de predios.
• Tramitación de proxectos de innecesariedade de parcelamento.
• Redacción, Tramitación e seguemento de plans de desenvolvemento.
• Tramitación e asesoramento de instrumentos de equidistribución (proxectos de reparcelamento ou proxectos de compensación).
• Redacción, tramitación, seguemento e recepción de Proxectos de Urbanización.

Plans en tramitación

Planeamento de desenvolvemento en tramitación

Trámites de Planeamento e Xestión

A Sede Electrónica proporciónalle unha listaxe cos trámites relacionados con este servizo, ademais de toda a documentación necesaria, os formularios e impresos, taxas e demais cuestións relacionadas con cada un.