Servizos cidadanía
Oficina de asistencia en materia de rexistro
Horario de atencion ao público:
- de 9 a 13:30 horas de luns a venres.
- Sempre que sexan hábiles os días 24 e 31 de decembro, o rexistro xeral permanecerá aberto en horario de atención ao público.
Enderezo:
- Praza do Rei s/n, planta baixa, 36202 - Vigo (Pontevedra).
- Teléfono oficina: 986 810 128
- Email: ofi.rexistro@vigo.org
O Concello de Vigo, a través da Oficina de Asistencia en Materia de Rexistro, pon ao dispor da cidadanía o rexistro electrónico, para a presentación a través de Internet de solicitudes, escritos e comunicacións.
Así mesmo, na Oficina de Asistencia en Materia de Rexistro ( OAR) do Concello de Vigo préstase atención e asesoramento á cidadanía para presentar solicitudes, escritos e comunicacións dirixidas a calquera Administración Pública, xa sexa da Administración Xeral do Estado, da Autonómica ou da Local (sempre que estean interconectados a través do sistema SIR).
O Concello de Vigo actualmente puxo en marcha un sistema de atención preferente para maiores de 65 anos, persoas con discapacidade e embarazadas. Estes colectivos poderán acudir sen cita previa para presentar os seus documentos ou para obter unha información xeral nas oficinas da OAR. Para iso deberán imprimir un número nas máquinas expendedoras situadas na lonxa do concello, para ser atendidos por rigorosa orde de chegada e evitarlles longos tempos de espera.
Como acceder á OAR:
De forma telemática a través da Sede electrónica.
Sempre que sexa posible, realice os seus trámites co Concello Vigo a través da sede electrónica do Concello. O rexistro electrónico está operativo 24 horas ao día durante todos os días do ano, excepto as interrupcións que sexan necesarias por razóns técnicas.
Lémbrase a obriga de presentación exclusivamente electrónica aos suxeitos obrigados e os seus representantes, segundo o establecido no artigo 14.2 da Lei 39/2015 do Procedemento Administrativo Común das Administracións Públicas e na Ordenanza Municipal de Administración Electrónica do Concello de Vigo.
Estes suxeitos obrigados deberán presentar e tramitar por medios electrónicos a solicitude e documentación a través da sede electrónica do Concello de Vigo.
No caso de que algún dos suxeitos obrigados a relacionarse co Concello de forma electrónica non o fixese por esta vía senón presencialmente, será requirido pola unidade tramitadora para que emende mediante a súa presentación electrónica. Considerarase como data de presentación da solicitude aquela en que fose realizada a subsanación e non dende a súa presentación presencial.
As persoas físicas poderán elixir en todo momento se se comunican para o exercicio dos seus dereitos e obrigas a través de medios electrónicos ou non, salvo que estean obrigadas a relacionarse a través de medios electrónicos.
De forma presencial.
Pode acceder aos seus servizos calquera persoa física que necesite presentar documentación dirixida a unha Administración Pública e que non estea obrigada a relacionarse a través de medios electrónicos coas Administracións Públicas.
O servizo de rexistro presencial prestarase nas oficinas de asistencia en materia de rexistro con ou sen cita previa.
Atención sen cita previa
- De 9 a 13 horas calquera persoa podreá acudir ao Concello de Vigo sen cita previa, atenderáselle por orde de chegadas, imprimindo un número na máquina dispensadora, ata final de quenda.
- Para determinados colectivos (+65, discapacidade, embarazadas) contamos cun sistema de atención preferente para evitar tempos de espera.
Atención con cita previa
Os cidadáns, que así o desexen, poderán solicitar cita previa, debendo solicitar unha cita por cada solicitude/trámite que vaia a realizar.
Importante: En beneficio de todos, rógase que anule a súa cita se non vai usala, co obxecto de proporcionarlle a mesma a outra persoa que a precise.
Canles para solicitar cita previa:
- Poderá solicitar cita previa de forma telemática para as principais oficinas do Concello na seguinte ligazón: Cita previa
- A través do código QR que aparece a continuación:
- Por teléfono, chamando aos números da centraliña 986 810 260, 986 810 100 ou 010 (se a chamada realízase dento do termo municipal de Vigo). Tamén poderá poñerse en contacto coa oficina para a que queira pedir cita no directorio municipal.
Nota: Tamén pode presentar os documentos dirixidos ás Administracións Públicas nas demais formas previstas na Lei 39/2015, do 1 de outubro, do Procedemento Administrativo Común das Administracións Públicas:
- No rexistro electrónico da Administración ou organismo ao que se dirixan.
- Nas oficinas de Correos, na forma que regulamentariamente se estableza.
- Nas representacións diplomáticas ou oficinas consulares de España no estranxeiro.
- Nas oficinas de asistencia en materia de rexistros.
- En calquera outro que establezan as disposicións vixentes.
Importante:
- Lembrámoslle que non é necesario desprazarse ao concello para realizar os trámites de rexistro. Faga uso da presentación telemática de documentos sempre que sexa posible, a través da presentación electrónica e do formulario específico do procedemento.
- Se necesita acudir a unha oficina de rexistro do Concello de Vigo, non esqueza que debe solicitar unha cita por cada servizo ou presentación de documentos que vaia a realizar.
- A presentación presencial de documentos requirirá a identificación do presentador co seu DNI ou documento identificativo equivalente na oficina de rexistro.
Concello de Vigo
Praza do Rei - 36202 - Vigo (Pontevedra) - Teléfono: 010 - 986810100