O Departamento de Política Social do Concello de Vigo conta con diferentes programas destinados a atender as demandas e necesidades dos colectivos de infancia e familia. En concreto:

• Programa de Intervención Familiar, servizo educativo e psicosocial de prevención e apoio personalizado dirixido ás familias (especialmente a aquelas que se atopen nunha situación de vulnerabilidade) e a toda a comunidade.
• Programas de apoio escolar, reforzo educativo, ocio e tempo libre
• Colaboracións con entidades sociais
• Servizo de axuda no fogar: Prestación básica dos Servizos Sociais Comunitarios que presta un conxunto de atencións a persoas ou unidades de convivencia no propio domicilio para facilitar o seu desenvolvemento e a permanencia no seu medio habitual.

Xunto a estes programas, o Concello conta tamén coa convocatoria anual do programa de axudas municipais escolares de libros, material escolar e comedor dirixidas, prioritariamente, a familias con dificultades socioeconómicas e dificultades en conciliar a súa vida familiar e laboral.

• Máis información relacionada coa Infancia.