Constitúe a canle de atención á cidadanía a través do cal é posible obter información sobre o Concello e os servizos que presta e, en xeral, sobre a cidade de Vigo en todos aqueles temas de interese para a cidadanía. Este servizo ofrece a posibilidade de realizar xestións sen necesidade de desprazamentos innecesarios ás oficinas municipais.

O obxectivo primordial do servizo de atención telefónica é proporcionar información de maneira rápida, fiable e integral, sempre ao alcance de todos. 

As canles de atención á cidadanía son:

• Teléfono: Servizo gratuíto: A chamada ao Teléfono 010 é gratuíta e o custo da chamada é abonado polo Concello de Vigo. Cunha chamada, a un sinxelo número, tanto a veciñanza como calquera turista ou visitante, dispoñen, ao instante de información fiable e actualizada, de carácter xeral e tamén administrativa. 
  • 010 (para chamadas realizadas desde a cidade de Vigo). 
  • 986 810 260 (para chamadas desde a cidade de Vigo e desde fóra do municipio de Vigo). 
  • Horario: De luns a venres de 8 a 20 horas. Sábados de 10 a 14 horas. 
• Internet:
  • Email Información: 010@vigo.org
  • Email queixas e suxestións: oficina.010@vigo.org 
  • Web (queixas e suxestións): Cubrindo o seguinte formulario web.
  • App "Vigo"
• Presencial: Atención presencial na oficina sita na 2ª planta da Casa Consistorial.
• Atención e xestión da caixa de correos de Atención Cidadá (sito na lonxa da Casa Consistorial).         

MELLORAR A túa CIDADE: Ten como finalidade fomentar a implicación e a participación da cidadanía na mellora e innovación dos servizos públicos e proporcionar coñecemento e valor á Administración do Concello de Vigo. 

Os obxectivos son:

• Achegar a Administración aos cidadáns ao establecer un mecanismo de comunicación, con retroalimentación recíproca.
• Coñecer as necesidades e demandas da cidadanía co conseguinte enriquecemento e axuste na renovación das políticas públicas. 
• Axustar as políticas e os servizos públicos ás preferencias e expectativas dos cidadáns. 
• Detectar onde se poden introducir melloras no funcionamento dos servizos que se prestan.
  • Aviso de incidencia: aviso de necesidade de arranxo puntual dalgún elemento de servizo básico municipal (iluminación pública, limpeza da vía pública, deterioración de beirarrúas..). 
  • Suxestións: propostas para a creación, ampliación ou mellora dos servizos prestados polo Concello de Vigo.
  • Reclamación / Queixa: posta en coñecemento sobre un deficiente funcionamento dos servizos municipais, talles como tardanzas, desatencións, incidencias ou calquera anomalía no seu funcionamento pola que a persoa senta disconforme ou prexudicada. 
  • Felicitacións: recoñecemento expreso realizado pola cidadanía sobre o bo funcionamento dalgún servizo concreto do Concello ou o trato e atención recibida polas persoas que traballan no, a título individual ou dun colectivo concreto.      

As suxestións, reclamacións e felicitacións deberán conter como mínimo o nome e apelidos, a dirección, o Documento Nacional de Identidade ou o seu equivalente e a exposición do seu obxecto. De non cumprir con estes requisitos, ao escrito presentado daráselle a consideración de aviso de incidencia e tramitarase para a mellora dos servizos municipais, pero non seguirá o procedemento de suxestións, reclamacións e felicitacións.          

A prestación do servizo telefónico 010 realizarase salvagardando os principios de autenticidade, confidencialidade, integridade, dispoñibilidade e conservación da información, así como a protección dos datos de carácter persoal das cidadás e os cidadáns que accedan a este servizo.

Seguimento do estado da tramitación das queixas e suxestións:

• Seguimento da tramitación das queixas e suxestións (mediante código de control) 
• Seguimento da tramitación das queixas e suxestións (mediante DNI, data e número de rexistro)

O dereito a presentar queixas e suxestións corresponde a toda a cidadanía maior de idade, podendo ser exercitado por toda persoa física ou xurídica sen limitación algunha.

As queixas non terán carácter de recurso administrativo nin a súa presentación interromperá os prazos establecidos na normativa vixente. A presentación de queixas non supón de ningunha maneira, a renuncia ao exercicio doutros dereitos e accións que poida exercer a cidadanía.
Non se admitirán as queixas que estean pendentes de resolución xudicial, as anónimas e aquelas que resulten ofensivas ou con faltas de respecto, aquelas nas que se advirta abuso de dereito, carencia de fundamento, inexistencia de pretensión, así como aqueloutras cuxa tramitación irrogue prexuízo ao lexítimo dereito de terceira persoa.

Non se admitirán as queixas que estean pendentes de resolución xudicial, as anónimas e aquelas que resulten ofensivas ou con faltas de respecto, aquelas nas que se advirta abuso de dereito, carencia de fundamento, inexistencia de pretensión, así como aqueloutras cuxa tramitación irrogue prexuízo ao lexítimo dereito de terceira persoa.