Colector de tapa marrón

Chegan a Vigo os colectores de tapas marróns. Estes colectores teñen por obxecto o depósito daqueles restos que se producen na preparación das comidas, crúas ou cociñadas e calquera sobrante das mesmas como: cascas de ovo, mondas de patacas e froitas, restos de café moído, restos de infusións, etc. Tamén se admiten tapóns de cortiza ou pequenos restos vexetais. O obxectivo é dar unha segunda vida a ese tipo de residuos, obtendo un abono natural e de calidade que se poida utilizar tanto para a agricultura como para a xardinaría.

Non poderán usarse, por tanto, para depositar desperdicios como os restos de varrer, cinza ou cabichas, cueiros, comprimidas ou outros produtos hixiénicos, excrementos dos animais de compañía como cans ou gatos. Todos estes residuos deberán depositarse no colector de lixo de sempre (fracción resto).

• Os colectores ábrense con calquera PassVigo.
• Máis información no teléfono 010 do Concello, o teléfono 900 859 660 da compañía FCC, ou na plataforma do cartón PassVigo.
• A solicitude do cartón realizarase pola canle actual na plataforma do cartón PassVigo.
• As incidencias comunicaranse ao teléfono 010.
• Vídeo explicativo da operativa co cartón nos colectores orgánicos (vídeo/mp4 - 26Mb)

Obten kit de reciclaxe

O calendario onde os cidadáns poden obter o kit de reciclaxe de residuos orgánicos para o seu domicilio, que constan dunha cesta e bolsas biodegradables, nos puntos itinerantes do calendario máis próximo ao seu domicilio que percorren diferentes zonas da cidade.