Concello de Vigo

Tráfico e Transportes

Noticias de tráfico e seguridade

Escoitar

2023-11-22: O Concello establece medidas para facilitar a mobilidade de persoas e vehículos durante o Nadal .
2023-11-21: O Concello desprega once corredores de emerxencia.
2023-10-18: O alcalde anima á participación na Ruta 091 .
2023-09-04: O Concello instala un novo pavimento de maior duración e seguridade na rúa Progreso .
2023-08-31: O goberno local adxudica as obras do parque de Navia.
2023-08-17: Abel Caballero recibe á primeira bombeira de Vigo.
2023-08-08: Vigo conforma o Comité do Nadal para a coordinación do evento.
2023-08-03: O Concello retoma os programas de educación viaria para escolares.
2023-06-30: O goberno municipal inicia a campaña de prevención de incendios forestais .
2023-06-29: A Policía Local vixiará a seguridade nas Illas Cíes durante as fins de semana do verán .

2023-11-22. O Concello establece medidas para facilitar a mobilidade de persoas e vehículos durante o Nadal: O goberno municipal ten en marcha un Plan de Mobilidade para o Nadal e un específico para o día do acendido, este venres 24 de novembro, que poden consultarse na web www.vigo.org. (Ver noticia en xornal.vigo.org)

2023-11-21. O Concello desprega once corredores de emerxencia: Vigo convértese desde esta semana na primeira cidade europea en contar cun sistema de tráfico que permite despregar once corredores de emerxencia para dar prioridade ao tránsito dos vehículos de Policía e Bombeiros. O dispositivo foi presentado este martes polo alcalde Abel Caballero e pola concelleira de Seguridade, Patricia Rodríguez. (Ver noticia en xornal.vigo.org)

2023-10-18. O alcalde anima á participación na Ruta 091: A cidade acolle o vindeiro domingo, 19 de novembro, a carreira solidaria Ruta 091 que organiza a Policía Nacional cun percorrido de 5 quilómetros con saída e chegada a Samil, pasando por Avenida Atlántida e Avenida de Europa. Os fondos recadados co evento serán destinados á Fundación Down Vigo. Na presentación celebrada en Vialia participaron a concelleira de Seguridade e Tráfico, Patricia Rodríguez Calviño, o comisario xefe de Vigo-Redondela, Ramiro José Gómez García, José Manuel García Orois, presidente de Down Vigo, e Antonio Perera, delegado de Participación Cidadá da Policía Nacional. (Ver noticia en xornal.vigo.org)

2023-09-04. O Concello instala un novo pavimento de maior duración e seguridade na rúa Progreso: O alcalde visitou esta mañá a zona da obra, na que se investiron 15.000 euros, e lembrou á cidadanía que, co inicio do curso escolar, remata a posibilidade de aparcar os coches nas zonas reservadas para transporte de alumnado na contorna dos colexios. (Ver noticia en xornal.vigo.org)

2023-08-31. O goberno local adxudica as obras do parque de Navia: O alcalde deu conta da da aprobación na Xunta de Goberno que terá lugar este venres onde se aprobará un investimento de 1.500.000 euros para arborado e reordenación do parque. Na orde do día tamén figura a renovación das instalacións da piscina de Travesas e a contratación do mobiliario do novo parque de bombeiros en Tomás Alonso. (Ver noticia en xornal.vigo.org)

2023-08-17. Abel Caballero recibe á primeira bombeira de Vigo: Para o alcalde isto marca "un fito" no Corpo de Bombeiros de Vigo, no que entra a formar parte Natalia Bastón, a primeira muller que accede ao servizo municipal de extinción de incendios. Caballero recibiu á nova bombeira interina na Alcaldía, onde transmitiu a súa \"ilusión e entusiasmo" polo nomeamento. (Ver noticia en xornal.vigo.org)

2023-08-08. Vigo conforma o Comité do Nadal para a coordinación do evento: O Nadal de Vigo da un paso máis e, tal e como declarou o alcalde, a delegación conformada polos edís responsables do evento servirá \"para que medre o Nadal en toda a cidade e minimizar efectos colaterais que poidan xerar algunha dificultade". (Ver noticia en xornal.vigo.org)

2023-08-03. O Concello retoma os programas de educación viaria para escolares: O alcalde anunciou que o parque de tráfico de O Castro volverá a abrir para a formación en seguridade viaria dos alumnos de 6 de primaria dos colexios de Vigo. (Ver noticia en xornal.vigo.org)

2023-06-30. O goberno municipal inicia a campaña de prevención de incendios forestais: A Policía Local contará desde este sábado 1 de xullo con dúas patrullas diarias da sección medioambiental (UMIR) e coa unidade de drons dedicados a vixiar e previr os lumes nos montes da cidade. (Ver noticia en xornal.vigo.org)

2023-06-29. A Policía Local vixiará a seguridade nas Illas Cíes durante as fins de semana do verán: O alcalde informou este xoves do inicio do traballo dos axentes o vindeiro sábado, 3 de xullo, en coordinación coa Policía Nacional que cubrirá o servizo durante a semana polo que as Illas quedarán cubertas durante toda a semana. (Ver noticia en xornal.vigo.org)