Escudo Concello de Vigo

Tráfico e Transportes

Noticias de tráfico e seguridade

Lista de noticias

Noticias

2020-11-27. Vigo acenderá o alumeado de Nadal o vindeiro xoves e establecerá medidas especiais para unha mobilidade peonil con seguridade

Foto noticia
O alcalde anunciou este venres que o vindeiro xoves 3 de decembro, ás 20:00 horas, procederase ao acendido do alumeado de Nadal de forma presencial na árbore de Policarpo Sanz e sen apertura ao público. Caballero tamén explicou que o Concello tomará medidas especiais para facilitar a mobilidade peonil e cumprir a normas de seguridade covid. (Ver noticia en xornal.vigo.org)

2020-11-17. O rexedor defende a adaptación das probas a bombeiro para facilitar o acceso das mulleres

Co obxectivo de facilitar o acceso das mulleres ao corpo de bombeiros, o goberno local adaptará as probas físicas modificando parámetros "inxustos" de imposible cumprimento para as mulleres. Así será na Oferta pública de emprego do 2017, 2018 e 2019 que o Concello está a desenvolver nestes momentos. (Ver noticia en xornal.vigo.org)

2020-11-17. O Concello reforzará con cámaras nas rúas o control do aforo Covid durante o Nadal

Foto noticia
Abel Caballero avanzou esta mañá novas medidas para que Vigo poida gozar dun Nadal con "seguridade Covid 1.000 por 100". Nesta ocasión, deu conta da licitación da contratación dun sistema de cámaras que permitirá controlar o aforo das rúas, dispositivo que o Concello complementa coa contratación de 23 persoas, contando sempre co apoio da Policía Local. (Ver noticia en xornal.vigo.org)

2020-11-05. O orzamento municipal para 2021 consigna case 37 millóns á seguridade de Vigo

Foto noticia
O goberno local dedicará case 37 millóns á seguridade de Vigo no próximo ano, tal e como detallou esta mañá en rolda de prensa. Desta partida, destacou entre outros conceptos, 18 millóns para a Policía Local e más de 4 para o mantemento da rede semafórica. (Ver noticia en xornal.vigo.org)

2020-10-21. O TSXG avala a posición do Concello en dúas sentenzas sobre a PassVigo

O Tribunal Superior de Xustiza de Galicia vén de emitir sendas resolucións que rexeitan as pretensións de Redondela e Mos sobre a tarxeta PassVigo, dando a razón ao concello vigués. Para Abel Caballero, as sentencias son "moi satisfactorias" e reflicten as "razóns político partidarias" das denuncias. (Ver noticia en xornal.vigo.org)

2020-10-21. O Concello reduce ao 50% o aforo dos cemiterios e amplía os seus horarios para a xornada de Defuntos

Foto noticia
Aforos ao 50%, obrigatoriedade de máscara e limitación de grupos a 5 persoas son algunhas das normas incluídas no protocolo municipal para acudir aos cemiterios con motivo da festividade de Todos os Santos. Haberá carteis informativos en todas as instalacións municipais e os días 30, 31 de outubro e o 1 e 2 de novembro, o horario dos camposantos será ininterrompido desde as 9,00 h ata ás 18,30 h. (Ver noticia en xornal.vigo.org)

2020-10-05. O rexedor traslada o seu apoio aos profesionais do Centro Comercial Coia 4 logo do incendio

Foto noticia
Abel Caballero achegouse esta mañá ao Centro Comercial Coia 4 para trasladar o "apoio e solidariedade" da cidade aos profesionais dunhas instalacións que o xoves pasado sufriron unha pequena explosión nun cuarto de contadores. A pesares de que os bombeiros actuaron con eficiencia e rapidez, rexistráronse danos e moito fume polo que o alcalde quixo interesarse en primeira persoa pola situación na que se atopa un colectivo de comerciantes que foi nomeado Vigués Distinguido en 2018. (Ver noticia en xornal.vigo.org)

2020-09-28. 3.720 viaxeiros beneficiáronse da gratuidade do bus na Semana europea da mobilidade

Vigo sumouse á celebración da Semana europea da mobilidade establecendo a gratuidade dalgunhas liñas de autobús entre o 16 e o 22 de setembro. En total foron 3.720 os beneficiarios dunha iniciativa que trata de fomentar o transporte público. (Ver noticia en xornal.vigo.org)

2020-09-21. A liña de autobús H1 ao Hospital Álvaro Cunqueiro modifica o seu percorrido

A líña H1, que conecta o centro de Vigo co Hospital Álvaro Cunqueiro, modificará o vindeiro luns o seu percorrido e realizará a ruta a través da Avenida de Fragoso, tanto de ida como de volta. Pola súa parte, a H2 que tamén conecta co centro médico manterá o percorrido pola Avenida de Castrelos. (Ver noticia en xornal.vigo.org)

2020-09-15. Vigo súmase á Semana Europea da Mobilidade con actividades para fomentar o transporte público

O alcalde avanzou esta mañá unha parte do programa co que Vigo celebrará a Semana Europea da Mobilidade, decretando a gratuidade dalgunhas liñas do transporte público. Esta fin de semana será a quenda do Bus turístico, que será de balde para os usuarios da PassVigo previa reserva de billete online en Woutick. (Ver noticia en xornal.vigo.org)