É un dos parques urbanos máis extensos da cidade. Está rodeado de multitude de camiños polos que podemos descubrir a variedade de paisaxes e sorpresas que nos depara o paseo. Na cima da montaña atópase unha fortaleza militar -do século XVIII- rodeada de xardíns e esculturas; é ademais un magnífico miradoiro sobre a Ría. Hai tamén zonas de lecer como parques infantís, restaurante, cafeterías, un circuíto para bicicletas, etc. Nas ladeiras, cheas de árbores como castiñeiros de indias, álamos ou camelias e acacias -que suman máis de 30 especies distintas-, atopamos un magnífico lugar para pasear por pequenos sendeiros de terra.

No noso percorrido atopamos tamén o monumento das Áncoras, composto por tres áncoras e canóns recuperados dos galeóns de Rande, afundidos na Ría durante a Batalla de Rande en 1702.  Ademais, nunha destas ladeiras, atopamos un castro, restos das edificacións dos primeiros poboadores de Vigo do século II a.C.