Buscador intelixente Vigo25 en Telegram

O Concello de Vigo amplía hoxe o alcance de Vigo25, o seu buscador intelixente da web e a app Vigo municipal, coa posta en marcha de dous bots oficiais na plataforma de mensaxería Telegram. A partir de agora, calquera persoa poderá obter respostas inmediatas sobre trámites, servizos e actualidade local enviando unha simple mensaxe ao bot de Telegram.

Como funciona

Para poder usar Vigo25 en Telegram primeiro hai que buscar o bot e activalo desde a app Telegram:

1.    Buscar o bot Vigo25. Dúas opcións:
   1.    Desde as ligazóns:
      1. Vigo25 (español): https://t.me/vigo25es_bot
      2. Vigo25 (galego): https://t.me/vigo25gl_bot
   2. Desde a app de Telegram buscando: @vigo25es_bot (versión español) ou @vigo25gl_bot (para a versión en galego).
2. Pulsar Iniciar para abrir a conversación.
3. Preguntar en linguaxe natural: desde «Como empadroarme?» ata «Que concertos hai este fin de semana?».
4. Recibir a resposta ao instante, con llgazóns, pasos detallados e datos en tempo real grazas á plataforma Smart City.

Con Vigo25, a cidadanía gaña unha canle directa, inclusiva e sen barreiras para consultar a información municipal. O uso da procura en linguaxe natural elimina a necesidade de navegar menús complexos ou coñecer terminoloxía administrativa: basta con preguntar en linguaxe natural reducindo así a fenda dixital.