A Oficina Municipal de Información ao Consumidor (OMIC) ten como finalidade facilitar información aos consumidores sobre os seus dereitos. Fomenta a formación de consumidores e comerciantes mediante a organización de cursiños e coloquios sobre distintas seccións do consumo, con especial atención na formación do novo consumidor e, para iso, coordínase co profesorado co obxectivo de levar a educación do consumo á escola.

Ofrece documentación sobre aquilo que lle afecte ao consumo a disposición de todas as persoas que o soliciten e consta de:

• Test e ensaios comparativos, revistas de consumidores
• Material audiovisual
• Dossieres, fichas técnicas e xurídicas
• Obras varias

Facilirá tamén información ás asociacións de consumidores e entidades profesionais, pondo á súa disposición todo o material e documentación que precisen.

Nesta oficina, aténdese calquera problema, consulta e denuncia referente ao mundo do consumidor como:

• Inexactitude no peso
• Etiquetado incorrecto
• Aditivos
• Hixiene dos alimentos e establecementos
• Fraude comercial
• Manipulación e conservación dos alimentos
• Vendas a domicilio
• Recibos de servicios de teléfono

A OMIC ofrece información ao consumidor que facilite o exercicio dos seus dereitos.

Trámites dispoñibles na Oficina Virtual:

• Interpoñer Reclamación na Oficina Municipal de Información ao Consumidor
• Realizar Consulta na Oficina Municipal de Información ao Consumidor