Funcións

Segundo o Artigo 53 da Lei Orgánica 2/1986 de 13 de marzo, de Forzas e Corpos de Seguridade, os corpos de policía local deberán exercer as seguintes funcións:

• Protexer ás autoridades das Corporacións Locais e vixilancia ou custodia dos seus edificios e instalacións.
• Ordenar, sinalizar e dirixir o tráfico no centro urbano, de acordo co establecido nas normas de circulación.
• Instruír atestados por accidentes de circulación dentro do centro urbano.
• Policía administrativa no relativo ás Ordenanzas, Bandos e demais disposicións municipais dentro do ámbito da súa competencia.
• Participar nas funcións de policía xudicial, na forma establecida no articulo 29.2 da Lei Orgánica 2/86.
• A prestación de auxilio nos casos de accidente, catástrofe ou calamidade pública, participando, na forma prevista nas Leis, na execución dos Plans de protección Civil.
• Efectuar dilixencias de prevención e cantas actuacións tendan a evitar a comisión de actos delituosos no marco de colaboración establecido nas Xuntas de Seguridade.
• Vixiar os espazos públicos e colaborar coas Forzas e Corpos de Seguridade do Estado e coa Policía das Comunidades Autónomas na protección das manifestacións e o mantemento da orde en grandes concentracións humanas, cando sexan requiridos para iso.
• Cooperar na resolución de conflitos privados cando sexan requiridos para iso.

Servizos específicos

• E.V.A.P.

  O Equipo de Vixilancia e Apoio Policial creouse para a participación da Policía Local de Vigo en funcións de control e seguimento de "Órdenes de afastamento" ditadas polos órganos xudiciais para a protección das vítimas de violencia de xénero.

• Servizo de Costa e Praia.

  O equipo de Seguridade Costa e Praia realiza o seu servizo nos nosos areais co obxectivo de prestar un servizo de calidade ao cidadán.