Creáronse centros para persoas maiores que teñen como obxectivo fomentar hábitos de vida saudable e a permanencia no propio contorno. Tamén hai outros centros, dirixidos a toda a poboación, nos que os nosos maiores poden realizar cursos, actividades, xuntanzas e tamén solicitar información social.

Pódense diferenciar en:

• Centros de DIA en Vigo

Destinados aos maiores con perda de autonomía física ou psíquica, son centros de atención diurna para persoas que, malia residiren nos seus propios fogares, precisan dunha serie de coidados e atencións de carácter persoal, terapéutico ou social.

• Centros Sociais en Vigo

Institucións de información social, entretemento e dinamización sociocultural e comunitaria, cun ámbito territorial determinado, cuxas actividades van dirixidas, de modo xeralista, ao conxunto da poboación.

• Residencias en Vigo

Para estadías permanentes en réxime de aloxamento, manutención e atención integral nun centro xerontolóxico residencial público.

Pode consultar as "Asociacións da Terceira Idade" no Listado de asociacións en Participación cidadá.