A Área de Educación Ambiental da Concellería de Medio Ambiente de Vigo arranca  despois de Semana Santa a programación de primavera con percorridos medioambientais, hortas urbanas e voluntariado medioambiental.

Os percorridos medioambientais desta tempada teñen previsto facer un achegamento á paisaxe de Vigo e do sur de Pontevedra a través da visita aos principais miradoiros que coroan os cumios máis coñecidos nas distintas comarcas. Circularase por Vigo, Redondela, Porriño, Ponteareas, Tomiño, Gondomar, Baiona, O Rosal e A Cañiza.

As hortas urbanas, tanto no 1º nivel (iniciación) como no 2º nivel (profundización) iniciarán a tempada coa preparación dos semilleiros e dos bancais que están localizados nos espazos habilitados en Navia, Camelias, Pedro Alvarado, Fontáns, Ramón Nieto e Sardomela.

O voluntariado medioambiental seguirá desenvolvendo a súa laboura en espazos de especial interese ecolóxico, así como na conservación dos sendeiros locais e o acompañamento de cans do Refuxio municipal da Madroa.

1. Destinatarios
2. Inscricións
3. Acreditación o día da ruta
4. Percorridos medioambientais
5. Hortas urbanas de Vigo
6. Voluntariado medioambiental
7. Web Vigonature / Participación ambiental
8. Poster programación

Destinatarios

• Persoas maiores de idade empadroadas en Vigo (autorízase á organización a comprobar tal condición e a solicitar o DNI previamente á realización da actividade).
• No caso de residir en Vigo e non estar empadroado ou no caso de ter  participado na actividade da semana anterior, incluirase na Lista de agarda, confirmándose a praza no caso de vacantes o mércores pola tarde.
• Un/unha participante non poderá asistir a dúas actividades consecutivas, agás que, atopándose en lista de agarda, quedasen prazas dispoñibles o mércores a partir das 15 horas.
• Menores de idade. Deberán ir acompañados polos seus pais ou titores legais. No caso de ir a cargo doutro adulto distinto deberá presentar un documento de autorización.
• Inscrición no 010 (móbil: 986 810 260) de luns a mércores, de 8 a 20 horas, da mesma semana da actividade. Non empadroados, os xoves.
• Datos mínimos de inscrición: nome completo, DNI (no caso de menores, DNI do titor), teléfono de contacto, data de nacemento e e-mail (opcional).
• Cada persoa só poderá inscribir a un total de 3 persoas (agás no caso de unidades familiares con máis de un fillo/a), sendo necesario dispor de todos os datos esixidos.
• A inscrición faise por estrito orde de chegada.
• No caso de cubrirse o cupo da ruta, de non estar empadroado ou de ter participado nunha actividade a semana anterior, pasarase á lista de agarda.
• As renuncias cubriranse coa lista de agarda, tendo preferencia as persoas empadroadas ás non empadroadas.

Inscricións

Para todas as actividades tramítanse unicamente a través do servizo de atención telefónica do Concello de Vigo - 010 (móbil: 986 810 260), sendo o prazo de inscrición de luns a mércores, de 8 a 20 horas, da mesma semana da actividade. Para non empadroados habilítase o xoves.

• Guía para o pago dos percorridos medioambientais

No caso das rutas con achega, esta efectuarase segundo o procedemento indicado neste enlace. No caso das Visitas a Cíes e Acampadas familiares en Cíes a inscrición realízase segundo o establecido na programación.

De non efectuar o pago nos prazos marcados, perderase a praza e chamarase á lista de agarda.

Para axilizar ao máximo o tempo de chamada, é preciso ter a man os datos que as operadoras rexistran no proceso (Nome e apelidos, NIF, teléfono de contacto e idade); ademais é importante comentarlle á operadora calquera incidente que poida ser relevante para os monitores, guías e socorristas (alerxias, discapacidades que afecten á práctica de exercicio físico, lesións, etc).

• Ficha de inscrición de menores, de xeito que se non van cos seus titores legais, autorizan a terceiros para acompañalos.

Acreditación o día da ruta

Para participar percorridos medioambientais, a organización poderá solicitar en calquera momento do DNI para identificar aos participantes segundo a información proporcionada polo 010.

Información dos percorridos medioambientais

Os percorridos medioambientais promovidos pola Concellería de Medio Ambiente de Vigo durante esta tempada teñen previsto facer un achegamento á paisaxe de Vigo e do sur de Pontevedra a través da visita aos principais miradoiros que coroan os cumios máis coñecidos nas distintas comarcas. 

Empezarase a serie en Vigo (O Maruxento, Maúxo Grande e Alto da Bandeira) o domingo 12 de abril para durante o resto do mes de abril visitar o primeiro anel que conforman dous percorridos: un en Redondela (Fenteira e Coto de Aguia) e outro entre Porriño (Faro Budiño) e Ponteareas (San Cibrao). 

En maio abordarase un segundo anel que abrangue outros dous percorridos: primeiro en Tomiño (Monte Tetón) e Gondomar (Alto de San Antoniño) e logo en Baiona (Alto da Groba) e. Para rematar nas dúas seguintes etapas de maio achegarémonos ao extremo suroeste da provincia, en O Rosal (Niño do Corvo) , e ao sureste en A Cañiza (Alto da Paradanta).

O 31 de maio terá lugar a clásica Andaina polos montes de Vigo, e xa vai a undécima edición. Nesta edición tomará como base o Parque Forestal de Zamáns e transitará polos montes de Zamáns, e na versión longa nos montes de Beade e de Bembrive. 

Por último, o sábado 6 de xuño realizarase unha ruta nocturna nos montes de Valladares, entre o Monte Cepudo e Monte dos Pozos, cunha panorámica en redondo de Vigo.

Máis información en la web Vigonature / Participación ambiental

Hortas urbanas de Vigo

• Horta-escola de Sardomela (a carón do Colexio Sello - Cabral): Martes 10-13h e venres 16-19h.

• Horta-escola de Fontáns (Lavadores): Mércores 16-19h e sábados 10-13h
• Horta-escola de Ramón Nieto I: Mércores 16-19h e sábados 10-13h
• Horta-escola de Pedro Alvarado (Teis): Xoves 16-19h e sábados 10-13h
• Horta-escola de Navia: Martes 16-19h, xoves 10-13h e sábados 10-13h
• Horta-escola de Camelias: Xoves 16-18:30h

Requisitos para participar nas hortas-escola da relación anterior: ter Curso básico de hortas urbana e ter concedido praza previa solicitude nos cursos. Gratuíto

• Horta-escola de Ramón Nieto II: Horario asignado a alumnado de 2º nivel. Prazas: segundo dispoñibilidade do espazo. Gratuíto. Requisitos: ter participado no último ano nunha horta-escola e asistir ao Curso de hortas urbanas 2º nivel.

Máis información en la web Vigonature / Participación ambiental

Voluntariado medioambiental

Programa de participación cidadá promovido pola Concellería de Medio Ambiente en colaboración coa Oficina Municipal de Voluntariado e dirixido a apoiar a xestión de necesidades medioambientais competencia do Concello de Vigo.
Para poder participar no Voluntariado medioambiental de Camiño a Camiño cómpre ser maior de idade, estar empadroado/a en Vigo e facer o acordo de colaboración de cara a cumprir cos requirimentos da lei de voluntariado de Galicia. Para tal fin, nas actividades de voluntariado pódese cumprimentar, trasladando os citados acordos para o seu trámite á Oficina Municipal de Voluntariado.

Voluntariado urbano

• Monte da Guía, Río Lagares, etc
• Martes, Mércores e Sábados, de 10 a 13 horas.
• Prazas/dia: ata 15

Voluntariado de acompañamento de cans

• Mércores, 9:30 a 12:30. Sábado: 9 a 11 horas.
• Lugar: Refuxio de animais abandonados de Vigo (Candeán)
• Prazas/dia: ata 12.

Voluntariado de sendeiros

• Martes e xoves, de 16 a 19 horas.
• Prazas/dia: segundo acción convocada.

Máis información en la web Vigonature / Participación ambiental

Web Vigonature/Participación ambiental

Espazo de información dos programas de Educación ambiental.

Información das rutas: Nos días previos ao inicio da inscrición poderás atopar información das rutas da seguinte fin de semana, así como un resume do que aconteceu no anterior. Tamén poderás descargar fotografías e información de interese.

Voluntariado Camiño a Camiño: colocarase a programación prevista así como as convocatorias puntuais que se realicen.

Ademais, no correo info@caminoacaminovigo.org poderás deixar os teus comentarios ou aportacións ao blog.

Máis información en la web Vigonature / Participación ambiental