|
GA
Escudo Concello de Vigo

Empleo Local

Noticias de Empleo

Lista de noticias

Noticias

2022-01-13. O Concello abre unha canle antifraude na contratación, aberta a cidadáns e funcionarios

Foto noticia
Vigo amplía as accións en materia de transparencia e integridade na contratación pública e, segundo trasladou este xoves o alcalde, vén de publicar o Plan de Contratación Anual de 2022, crea un mapa de riscos e unha canle de alertas para que, incluso de forma anónima, se presenten suxestións, avisos ou denuncias. As medidas forman parte do premiado Plan de Integridade na Contratación Pública do Concello, aprobado hai tres anos. (Ver noticia en xornal.vigo.org)

2021-11-09. O TSXG referenda ao Concello na súa acusación á Xunta de discriminar a Vigo nos plans de emprego

Foto noticia
O Concello de Vigo recorreu tres ordes de convocatorias de subvencións destinadas a formación laboral nas que a Xunta aplicaba unha prima do 20% máis de puntuación para os municipios adheridos á iniciativa "concellos emprendedores". (Ver noticia en xornal.vigo.org)

2021-10-22. O rexedor traslada o seu apoio ás traballadoras despedidas de C&A

Foto noticia
Abel Caballero mantivo un encontro cun grupo de traballadoras da antiga tenda da marca situada na rúa Príncipe. Segundo lle trasladaron, foron despedidas tras o peche do establecemento o pasado 28 de agosto. A empresa indicoulles que non podía recolocalas xa que non estaba previsto abrir outra tenda en Vigo, pero posteriormente abrírona no centro comercial Vialia. O alcalde considera que a empresa "ten que atender a estas traballadoras porque non foron tratadas con lealdade" e transmitiulles o seu apoio ante a situación na que se atopan. (Ver noticia en xornal.vigo.org)

2021-10-21. O rexedor avoga polo esforzo empresarial para garantir a seguridade laboral

Foto noticia
Abel Caballero asistiu este xoves á inauguración do V Congreso Internacional "Prevención e seguridade industrial 4.0" que organiza o Consello Galego de Enxeñeiros Técnicos Industriais e a Asociación de Profesionais da Seguridade e Saúde Laboral de Galicia no Círculo de Empresarios. Na súa intervención avogou pola importante responsabilidade das empresas que deben esforzarse para garantir a seguridade laboral do seu persoal ao cento por cento. (Ver noticia en xornal.vigo.org)

2021-10-08. O Concello achega 195.000 euros á Asociación de Corais Polifónicas de Vigo

Foto noticia
A Xunta de Goberno Local vén de aprobar a subvención nominativa mediante convenio con Acopovi que acolle preto de 40 corais e que realiza unha "actividade cultural e social magnífica". (Ver noticia en xornal.vigo.org)

2021-09-14. O alcalde celebra que Vigo recupere MINDTECH como referente industrial no ámbito internacional

Foto noticia
Abel Caballero avanzou esta mañá que a organización de MINDTECH permite volver a trazar unha parte da economía que foi golpeada pola pandemia. Neste contexto felicitou a promotores e expositores pola súa \"valentía\". (Ver noticia en xornal.vigo.org)

2021-08-27. O goberno de Vigo destina 750.000 euros a O Marisquiño e ao proxecto Cíes Patrimonio da Humanidade

Foto noticia
Son dous asuntos aprobados este venres pola Xunta de Goberno Local, a transferencia de medio millón de euros costeados por Concello e Deputación para a edición deste ano do festival de deporte urbano e o abono de 250.000 euros á Vigo Convention Bureau para as accións de promoción das illas Cíes. O goberno local tamén aprobou unha achega de 37.000 euros para o programa sociolaboral da CIG. (Ver noticia en xornal.vigo.org)

2021-08-20. O goberno de Vigo aproba o Programa Integrado de Emprego, que formará a 100 persoas durante un ano

Foto noticia
A iniciativa conta cun orzamento de 258.000 euros e arrancará no mes de novembro cunha perspectiva de inserción laboral do 40%, segundo afirmou este venres o alcalde. A Xunta de Goberno Local tamén deu luz verde ao convenio coa unión comarcal viguesa da UXT para asesorar a persoas despregadas e incluídas en ERTEs. (Ver noticia en xornal.vigo.org)

2021-08-13. O goberno de Vigo aproba medidas de "apoio para o emprego de 368 persoas"

Foto noticia
Segundo informou Caballero este venres, o Concello validou incentivar a contratación dos 20 alumnos do "Vigo Capacita VI", axudas económicas para quen o precise dos 308 participantes do "Vigo pola inserción laboral" e a subvención para a empregar de 40 persoas perceptoras da Risga nun proxecto de rehabilitación de lavadoiros. (Ver noticia en xornal.vigo.org)

2021-08-02. O Concello abre o prazo para solicitar as axudas municipais á contratación e a creación de empresas

Foto noticia
Abel Caballero afirmou "estar na liña da xeración de emprego" e puxo de manifesto a importancia das convocatorias que suman unha dotación económica de 296.722,45 euros. (Ver noticia en xornal.vigo.org)