Actuación 02 Liña 1: Ampliación de funcionalidades e servizos da tarxeta cidadá PassVigo. (Código actuación: P1_L1_362-511827)

Descrición do proxecto:

Esta liña de actuación pretende mellorar a calidade do servizo que o Concello presta aos/os cidadáns/as simplificando os trámites e xestións para o uso dos servizos municipais a través dunha Identidade dixital, multidispositivo, PassVigo que poderá utilizarse non só de forma física senón en aplicacións móbiles e outros dispositivos compatibles. Os servizos susceptibles de ser usados son: os servizos en transporte público, deportes (centros deportivos, ximnasios, piscinas, etc.), bibliotecas (rexistro de uso, préstamo libros, etc.), comedores sociais, aluguer de bicicleta (uso), pago de impostos e taxas, autenticación na administración electrónica, parquímetros ou estacionamento regulado, parkings municipais, acceso a zonas restrinxidas, museos e centros culturais, etc. En todos eles a PassVigo servirá como mecanismo de rexistro de uso, control de acceso, pagos, etc. A cantidade de servizos que se prestan desde a administración local é moi elevado, e lonxe de minguar  ao cidadán, demanda un número maior por ser esta a administración máis próxima, eficiente, e cun nivel de accesibilidade maior.

O obxecto deste proxecto é o desenvolvemento da FASE II da implantación da tarxeta PassVigo que consiste en:

• A extensión do sistema de pago e acceso a terceiros e de forma directa co pago dos aparcadoiros públicos.
• Facilitar o acceso á plataforma de xestión da tarxeta PassVigo integrándoa no cartafol do cidadán.
• Integración da PassVigo cos servizos de préstamos das bibliotecas municipais.
• Integración da PassVigo con servizos prestados por sistemas de tiqueting de terceiros.

Publicación licitación: Plataforma de contratación do sector público. Expediente: 10127-113

Estado de execución: Finalizado

• Importe da actuación: 103.000,00 €
• Subvención outorgada: 70.000,00 €
• Grao de execución: Finalizada
• Importe total executado: 103.000,00 €
• Importe final subvención: 70.000,00 €. Xustificada

Link actuacións comunicación:

• O Goberno de Vigo adxudica o subministro de lectores QR/NFC para o uso da PassVigo
• Vigo incorpora 100 novos contedores marróns de residuos orgánicos con apertura con cartón PassVigo