Rutas por Vigo e bisbarra

Nesta tempada os percorridos medioambientais escomezan coa clásica travesía entre o Monte Galiñeiro e o Monte Aloia, nunha xornada de día completa para disfroitar dun espazo de especial interese medioambiental.

Unha vez arrancada a programación, abordarase un percorrido en tres etapas entre Moaña e Vigo, pasando por algúns dos enclaves máis destacados da enseada da Ría de Vigo: a fraga de Moaña, as salinas de Vilaboa, un tramo da senda da Auga entre Chapela e Vigo, e o Monte de A Guía.

Por último, para rematar a tempada, realizaranse catro dos sendeiros locais creados ou en proceso de creación arredor do GR-53 (Sendeiro panorámico de Vigo): o de Zamáns, o de Coruxo, o de Bembrive-Beade e o de Candeán.

• Monte Galiñeiro – Monte Aloia* (27 setembro)
• Hábitats arredor da ría de Vigo I**: A fraga de Moaña (4 outubro)
• Hábitats arredor da ría de Vigo II**: As salinas de Vilaboa (11 outubro)
• Hábitats arredor da ría de Vigo III***: Chapela-A Guia (18 outubro)
• Sendeiro Local de Zamáns*** (25 outubro)
• Sendeiro Local de Coruxo*** (8 novembro)
• Sendeiro Local de Bembrive-Beade*** (15 novembro)
• Sendeiro Local de Candeán*** (22 novembro)

Saída: 9:30 dende a Praza do Rei. Convocatoria: 9:00

Retorno (estimado): entre 13:30 e 14:30, na Praza do Rei.

Grupo: de ata 300 persoas.

Transporte: por conta dos usuarios/as

Inscrición: 010 (dende móbil: 986 81 02 60), na semana da actividade. Empadroados: de luns a mércores, de 8:00 a 20:00. Non empadroados: o xoves.

Lugar de recollida do ticket de viaxe: ao ter concedida a praza, na Casa da Xuventude (López Mora 31), ata o xoves as 20:00h. Os percorridos gratuítos, no momento de coller o autobús na Praza do Rei.

Voluntariado Camiño a Camiño

A participación nos programas de educación medioambiental complétanse coa posibilidade que teñen todos os veciños e veciñas de Vigo de colaborar nas políticas medioambientais desenvoltas dende o Concello e Vigo. 

Este programa iniciado na primavera de 2012 está atendendo nestes momentos diversos frontes: conservación do río Lagares, A Bouza e os Areais, conservación nas Illas Cíes e actuacións nos programas de voluntariado de Vigozoo. A finais de 2013 engadíronse dúas liñas de actuación novas: voluntariado nas hortas urbanas de Vigo e voluntariado para o mantemento dos sendeiros no termo municipal de Vigo.

Para poder participar no Voluntariado de Camiño a Camiño é preciso realizar o Curso de iniciación ao voluntariado medioambiental (ver apartado cursos).

As persoas voluntarias que xa participan en actuacións de voluntariado xa coñecen a dinámica de convocatoria (habitualmente vía correo electrónico e/ou blog). Os novos participantes, que teñen que ter asinado o acordo de voluntariado do Concello de Vigo, pódense inscribir en accións tanto nos propios cursos como na Casa da Xuventude.

Máis información sobre os requisitos para participar e as actividades abertas en todo momento pódense consultar na solapa "Voluntariado CaC" de caminoacaminovigo.blogspot.com.