Servizo dependente da Concellaría de Igualdade, consistente no coidado persoal das fillas e fillos menores de dez anos, desde a hora solicitada ata o seu regreso.

A solicitude do servizo de atención ou acompañamento farase cunha antelación mínima de 24 horas, podendo realizarse de xeito individual ou para colectivos.

O acceso será a través da traballadora social do Centro Municipal de Información dos Dereitos da Muller.

• Folleto informativo
• Obxectivos do Servizo de Atención Domiciliaria da Infancia
• Documentación necesaria
• Casos e situacións nos que se pode solicitar o Acompañamento
• Servizo Individual de Atención Domiciliaria
• Servizo Colectivo de Acompañamento

Obxectivos do Servizo de Atención Domiciliaria da Infancia

• O obxectivo principal é contribuír á armonización da vida laboral profesional e persoal das mulleres, en especial das mulleres vítimas da violencia.
• Favorecer a incorporación da muller ao traballo.
• Fomentar a formación académica e ocupacional das mulleres.
• Potenciar e facilitar a participación das mulleres nas actividades de asociacionismo: ANPAS, movementos veciñais, asociacións veciñais, etc.
• Acadar tempo propio e persoal, específico para cada muller.

Volver ao Inicio

Documentación necesaria

• DNI.
• Libro de Familia.
• Volante de empadroamento.
• Xustificante de ingresos da unidade familiar.
• Comprobante do motivo polo que se solicita o servizo.
• Outros que poderá solicitar a traballadora social.

Volver ao Inicio

Casos e situacións nos que se pode solicitar o Acompañamento

• Ampliación da formación persoal (oposicións, cursos, alfabetización, graduado escolar…).
• Entrevistas para probas de trabajo.
• Comparecencia ante calquera administración.
• Urxencias: ingresos hospitalarios, accidentes, atención a casos de extrema gravidade mentres non poidan ser resoltos por outros servizos especializados.
• Participación nas asociacións de mulleres ou socio-culturais: ampas, sindicatos, asociacións veciñais. Neste caso o servizo será colectivo e o acompañamento realizarase no centro onde as nais realicen a actividade.
• Ampliación da formación persoal (oposicións, cursos, alfabetización, graduado escolar...).

Volver ao Inicio

Servizo Individual de Atención Domiciliaria

• A duración máxima da atención é de 4 horas, de luns a venres entre as 7 e as 23 horas.
• En ningún caso deixarase ás e aos menores sós.
• O acompañamento realizarase na casa da beneficiaria.
• O acceso será a través da traballadora social do Centro de Información dos Dereitos da Muller.
• Realízase previamente unha valoración económica da unidade familiar, con referencia ao IPREM, xa que logo varía en función deste.

Volver ao Inicio

Servizo Colectivo de Acompañamento

• O servizo prestarase no centro onde as nais realicen a actividade.
• Deberá dispor dun espazo habilitado e material para o entretemento que pode solicitarse ás ludotecas municipais.
• Deberá reunir a condicións de hixiene e seguridade necesarias para atender aos menores.

Volver ao Inicio