O Arquivo municipal de Vigo custodia distintos fondos documentais, tanto de carácter público como privado, así como outras coleccións documentais, hemerográficas, fotográficas e bibliográficas.

As datacións da documentación custodiada no Arquivo acadan unha grande antigüidade nalgúns casos, existindo documentos desde finais do século XIV até a actualidade.

Entre os fondos públicos podemos destacar:

1. Concello de Vigo (1560-2014)
2. Concello de Bouzas (1599-1904)
3. Xulgado de Bouzas (1666-1904)
4. Concello de Lavadores (1786-1947)
5. Banda Municipal de Música (1883-1984)
6. Escola Municipal de Artes e Oficios (1886-1993)

Entre os fondos privados podemos enumerar os seguintes:

5. Marquesado de Valadares (1532-ca. 1950)
6. Marquesado de Mos e Valadares (1378-1969)
7. Condado de Ramiráns e Ximonde (1452-1992)
8. Obra Pía da Familia Coronel (1563-1850).
9. Hospital de Pobres de Vigo (1773-1887).
10. Capela do Castro (1659-1830)
11. Colexiata de Santa María de Vigo (1578-1931)
12. Escola de Nenos (1752-1846)

Ademais, tamén se custodian outras coleccións organizadas tematicamente que durante o proceso de reorganización e redescrición se intentarán reintegrar nos seus respectivos fondos documentais:

1. Títulos e privilexios.
2. Documentación relixiosa.
3. Documentación militar.
4. Documentación xudicial.
5. Documentación histórica.

Finalmente, o Arquivo municipal tamén custodia outro tipo de coleccións non documentais:

1. Colección hemerográfica.
2. Colección de material gráfico.
3. Colección bibliográfica.