Manual de Procedementos do Organismo Intermedio Lixeiro Entidad Local (Concello de Vigo)

O Manual de Procedementos do Organismo Intermedio Lixeiro do Concello de Vigo desenvolve e complementa o Documento de Funcións e Procedementos describindo de forma exhaustiva todos os procedementos que a Unidade de Xestión do Concello debe aplicar para cumprir coas súas obrigas como organismo intermedio lixeiro no marco do Programa Plurirrexional de España FEDER 2021-2027.

O Manual regula os procedementos de selección de operacións mediante convocatorias de expresións de interese, a xeración e tramitación das solicitudes de Pagamento do Beneficiario (SPB), a liquidación final e o peche de proxectos, o arquivo e a pista de auditoría, e os procedementos destinados a garantir medidas antifraude eficaces e proporcionadas, incluíndo a avaliación do risco de fraude, a prevención de conflitos de intereses e a atención de denuncias

• Manual de procedementos do organismo intermedio lixeiro entidade local (Concello de Vigo) 20/03/2026

Descrición de Funcións e Procedementos do Organismo Intermedio Lixeiro FEDER 2021-2027 da Entidade Local Concello de Vigo

O documento de Descrición de Funcións e Procedementos do Organismo Intermedio Lixeiro do Concello de Vigo describe e documenta a organización interna, as funcións e os procedementos de xestión e control dispostos polo Concello na súa condición de organismo intermedio lixeiro. O documento acredita formalmente ante a autoridade de xestión e o organismo intermedio de xestión a capacidade administrativa do Concello para exercer as funcións que lle foron delegadas no marco do Programa Plurirrexional de España FEDER 2021-2027.

O documento recolle a identificación da Unidade de Xestión e o organigrama que garante a separación de funcións entre esta e as unidades executoras das operacións cofinanciadas, as tarefas de xestión do programa previstas no artigo 74, en particular as medidas antifraude e o tratamento de irregularidades; e as obrigas en materia de seguimento de indicadores, conservación de documentos, pista de auditoría, intercambio electrónico de datos e información e comunicación, recollidas no artigo 69 e no anexo IX do citado regulamento.

• Descrición de Funcións e Procedementos do Organismo Intermedio Lixeiro do Concello de Vigo (30/03/2026)