A Casa da Xuventude é a principal infraestrutura da Concellaría de Xuventude do Concello de Vigo. É un edificio público, único en toda a cidade e en toda Galicia, de gran valor arquitectónico.

Nela ponse a disposición da mocidade viguesa, actividades e servizos adecuados ás súas necesidades e intereses. Emprega o correo electrónico de cada sección para consultar, propor ou preguntar calquera dúbida que poidas ter sobre os servizos e recursos ofertados.

Servizos

• Asesoramento a Asociacións Xuvenís: constitución, estatutos, lugar de reunións. Horario: de luns a venres de 9:00 a 14:00 horas.

Volver ao Inicio

Salas

• Sala de Xuntanzas: lugar de encontro, reunións, charlas formativas para os individuos ou colectivos que o soliciten.
• Sala de Exposicións: pintura, fotografía, cómic, escultura e calquera tipo de expresión artística.
• Sala de Lectura: lugar de lectura, de traballo en equipo ou estudo.
  • Publicacións de interese xuvenil, prensa diaria local e nacional.
• Sala de Informática e Internet:
  • Horario de conexión a Internet: de luns a venres de 9 a 14.
  • Equipos para elaborar documentos ou conectarse a webs de interese xuvenil: directorio de internet a disposición das persoas interesadas.
  • Impresora para imprimir consultas e documentos (levar os folios para imprimir).
  • Envío e recepción de correo electrónico a través do correo web.
  • Espazo para navegar comodamente co teu portátil mediante conexión WIFI.
  • Acceso ao BIX (Boletín Informativo Xuvenil).

Volver ao Inicio