Planificación de seguridade, mobilidade e tráfico para os partidos do RC Celta e do Celta Fortuna en Balaídos

Poñemos en coñecemento do público en xeral que para mellorar a circulación viaria modifícase polo Departamento de Seguridade e Mobilidade, a sinalización vial do seguinte xeito: planificación de seguridade, mobilidade e tráfico para os partidos do RC Celta e do Celta Fortuna en Balaídos

O Concello de Vigo, a través da Área de Seguridade, Mobilidade e Tráfico, en coordinación coa Policía Local de Vigo, Transportes e o Departamento de Seguridade do RC Celta, desenvolveu unha nova planificación do entorno do Estadio Municipal de Balaídos para os días de celebración de partidos, tanto do primeiro equipo do RC Celta como do Celta Fortuna, así como para outros eventos que se desenvolvan no estadio.

Esta planificación nace do traballo conxunto dos diferentes servizos implicados na seguridade e mobilidade, co obxectivo de dispoñer dun modelo común que permita ordenar os importantes fluxos de peóns, vehículos e transporte público que se producen nas horas anteriores e posteriores aos encontros.

A proposta queda recollida nun plano específico de ordenación do entorno de Balaídos, que acompaña esta información e no que se identifican de maneira gráfica as diferentes zonas, reservas e restricións previstas durante os partidos.

Prioridade á seguridade e á mobilidade peonil

Un dos principais obxectivos da nova planificación é incrementar a seguridade dos peóns, especialmente nos momentos de maior concentración de afeccionados á entrada e á saída do estadio. Nestes períodos prodúcese unha elevada presenza simultánea de persoas, vehículos particulares, motocicletas, autobuses, taxis e transporte público. Por este motivo, establécese unha ordenación específica destinada a reducir os conflitos entre os movementos peonís e a circulación rodada e facilitar unha chegada e saída máis segura e ordenada de Balaídos.

A planificación contempla tamén restricións temporais de tráfico e estacionamento en determinadas rúas e ámbitos próximos ao estadio. A súa aplicación adaptarase ás características e necesidades de cada encontro, tanto nos partidos do primeiro equipo como nos do Celta Fortuna, e ás indicacións operativas establecidas pola Policía Local.

Ordenación das reservas no entorno de Balaídos

O plano establece unha distribución clara das diferentes zonas necesarias para o funcionamento dos dispositivos dos días de partido. Entre outras medidas, identifícanse espazos específicos destinados a:

Persoas con Mobilidade Reducida (PMR), facilitando a accesibilidade ao estadio.

Motocicletas, concentrando o estacionamento en zonas determinadas e evitando a súa dispersión por beirarrúas e itinerarios peonís.

VITRASA e transporte público, favorecendo o acceso mediante medios colectivos.

Taxis, con zonas específicas para facilitar a chegada e saída de usuarios.

Autobuses e transporte colectivo das peñas, ordenando os seus movementos e estacionamento.

Prensa, televisión e medios de comunicación vinculados aos encontros.

Servizos de organización, seguridade e emerxencias, garantindo a súa operatividade durante o dispositivo.

Así mesmo, establécense ámbitos nos que será necesario implantar prohibicións temporais de estacionamento e, cando resulte necesario, restricións de circulación, permitindo dispoñer dos espazos necesarios para garantir a seguridade e a mobilidade. Un modelo común para o primeiro equipo e o Celta Fortuna A finalidade é dispoñer dun modelo estable, coordinado e facilmente identificable para os eventos deportivos que se celebren en Balaídos, aplicable tanto aos encontros do primeiro equipo do RC Celta como aos partidos del Celta Fortuna. A intensidade e alcance concreto das medidas poderá adaptarse en función das características de cada partido, especialmente atendendo á previsión de asistencia, horario, afluencia de afección visitante e necesidades específicas de seguridade e mobilidade. Deste xeito, Policía Local, Transportes, Seguridade do RC Celta e os diferentes servizos municipais poderán traballar sobre unha planificación previamente definida e coordinada, facilitando a preparación e execución dos dispositivos.

Un plano para informar a afeccionados e residentes

A planificación ten tamén unha importante finalidade informativa. O plano que acompaña esta información permitirá visualizar as principais medidas previstas no entorno de Balaídos, facilitando que os usuarios identifiquen previamente as diferentes zonas habilitadas. Afeccionados e residentes poderán consultar nel a localización das zonas PMR, estacionamento de motocicletas, transporte público, taxis, autobuses de peñas, reservas específicas e principais restricións de tráfico e estacionamento. Esta información poderá difundirse antes dos encontros a través dos canais municipais, dos canais oficiais do RC Celta, medios de comunicación e redes sociais, co obxectivo de que os asistentes poidan planificar con antelación os seus desprazamentos e coñecer as modificacións previstas no entorno do estadio.

Con esta planificación, Vigo avanza cara a un modelo máis seguro, accesible, ordenado e coordinado para os partidos do RC Celta e do Celta Fortuna en Balaídos, baseado na prioridade peonil, o transporte público, a accesibilidade, a coordinación entre servizos e a información anticipada á cidadanía. , dende o 22 de agosto de 2026 ás 10:00 horas.

Solicítase a máxima colaboración cidadá.

• Anuncio aprobación

• Plano 1 de 2

• Plano 2 de 2