Praia de area branca e fina situada na parroquia de Navia, moi próxima á cidade. Mide uns 1.115 metros de lonxitude por 15 metros de ancho, o que a convirte na maior praia de Vigo.

Conta cun gran equipamento e ofrécelle ao visitante unha enorme variedade de servizos.

• 3 piscinas
• tobogán
• canchas de baloncesto
• pista de patinaxe
• posto da Cruz Vermella
• vixilancia e socorrismo
• duchas e lavapés
• servizo para o baño no mar de persoas con discapacidades físicas
• megafonía
• xogos infantís
• aparcadoiros
• zonas verdes
• merendeiros
• multitude de cafeterías
• restaurantes
• etc.

En verán organízanse moitas actividades e concursos ao aire libre.

Na mesma avenida de Samil atópase o museo Verbum-Casa das palabras e o Complexo Deportivo Samil, o cal consta de 12 pistas de tenis, 3 pistas de paddel e un campo de fútbol. Tamén se foron establecendo nesta zona diversas discotecas, un local onde xogar aos birlos, etc.

Para desprazarse até a praia hai varias liñas de autobús: L10, C15A, C15B e C15C todo o ano; C3 en verán, e as liñas nocturnas CN1 e CN2.

• Calidade da auga:
  
  • Últimas análises: Samil (1), Samil (2), Samil (3)
  • Máis información.