Actualidade

Exposición "Francisco Fernández del Riego, 1913-2010- Letras Galegas 2023"

Organiza: Fundación Penzol

 

Mostra fotográfica e bibliográfica organizada pola Fundación Penzol co gallo da dedicatoria pola Real Academia Galega do Día das Letras Galegas, da que foi o seu presidente entre 1997 e 2001.

 

Instalada no vestíbulo da Casa Galega da Cultura (praza da Princesa 2, Vigo), trátase dunha mostra fotobiográfica dividida en tres períodos: 1913-1939; 1940-1974 e 1975-2010, impresa sobre paneis que percorren sinteticamente a traxectoria dunha personalidade de máxima relevancia na cultura galega contemporánea. Complétase a instalación cunha mostra bibliográfica que recolle unha selección da súas obras máis significativas así como doutras de diferentes autorías que tratan sobre a súa figura.

 

O conxunto pretende ser unha introdución á súa obra e ás súas intensas e extensas actividades a prol de Galicia e da súa cultura. Tamén unha invitación a coñecer a Casa Galega da Cultura, que acolle a súa biblioteca, arquivo e museo —doazón que realizou “ao pobo de Vigo” en 1995—, así como a biblioteca e o arquivo da Fundación Penzol, que Del Riego dirixiu desde a súa creación en 1963 ata pouco antes do seu falecemento en 2010.

Cando:

Do 16 de Febreiro ata o 17 de Decembro de 2023

Lugar:

Vestíbulo da Casa Galega da Cultura

Lugar:

Casa Galega da Cultura

  • Rúa da Princesa 2

Horario:

Horarios:

Luns a venres, de 9:00 a 14:00 h

 

Con exposición activa na planta baixa:

Luns a venres, de 18:00 a 21:00 h

Sábados, de 12:00 a 14:00 h e de 18:00 a 21:00 h

Domingos e festivos, de 12:00 a 14:00 h

Prezo:

Actividade gratuíta

Galería de fotos

Exposición \

Desde o 16/02/2023

Ata o 17/12/2023

Casa Galega da Cultura

Rúa da Princesa 2

Teléfono: 986226459

 

Concello de Vigo

Praza do Rei - 36202 - Vigo (Pontevedra) - Teléfono: 010 - 986810100