|
GA
Escudo Concello de Vigo

Información Crisis Coronavirus Covid-19

Noticias municipales Covid-19

Lista de noticias

Noticias

2020-07-09. Abel Caballero anuncia un Plan de Reactivación e Reconstrución Económico e Social cun investimento de 1.000 millóns en tres anos

Foto noticia
O alcalde de Vigo avanzou este xoves as liñas xerais do Plan de Reactivación e Reconstrución Económica e Social Post-Covid19 do Concello de Vigo. Segundo indicou, está previsto investir 1.000 millóns de euros con fondos municipios e do Goberno central, Deputación e Zona Franca. "Trátase do plan máis ambicioso que houbo nunca na historia de ningunha cidade de España\", apuntou Caballero. (Ver noticia en xornal.vigo.org)

2020-07-08. Vigo recupera os niveis de tráfico anteriores á pandemia do Covid-19

Abel Caballero informou este mércores de que a cidade está a recuperar os niveis de tráfico que se rexistraban antes da crise sanitaria motivada pola pandemia do Covid-19. Os estudos realizados polo departamento de Mobilidade indican que a intensidade de vehículos durante a última semana de xuño foi tan só de 2.000 menos que hai un ano. (Ver noticia en xornal.vigo.org)

2020-07-08. O Concello non cobrará a taxa dos vados no período do estado de alarma

Foto noticia
Na cidade hai nestes momentos 5.419 vados que non terán que aboar a taxa correspondente a 90 días correspondentes ao estado de alarma. Amais, o goberno municipal bonificará o 100% das taxas de actividade e instalacións de locais de ata 150m2, a licenza de obras de adaptación de locais e actividades e o ICIO (Ver noticia en xornal.vigo.org)

2020-07-07. Abel Caballero recibe ao alcalde de Logroño

Foto noticia
O alcalde de Vigo e presidente da Federación Española de Municipios e Provincias (FEMP), Abel Caballero, recibiu este martes ao alcalde de Logroño e presidente da Rede Española de Cidades Intelixentes, Pablo Hermoso de Mendoza. Ambos rexedores falaron durante a xuntanza sobre a importancia do enfoque municipalista á hora de abordar a reactivación económica e social do país. (Ver noticia en xornal.vigo.org)

2020-07-07. O Pleno da Corporación municipal designará o 10 de xullo os Vigueses Distinguidos 2020

A gala de entrega dos galardóns Vigueses Distinguidos podería celebrarse o próximo mes de setembro, segundo avanzou esta mañá o rexedor. O Pleno para designar aos premiados deste ano será o venres, 10 de xullo, ás 09,00 h. (Ver noticia en xornal.vigo.org)

2020-07-07. O Concello non cobrará a taxa de auga aos establecementos que estiveron pechados durante o estado de alarma

Foto noticia
Abel Caballero anunciou que os negocios non terán que pagar a taxa municipal de agua durante os días que estiveron pechados polo estado de alarma. O Concello abonará á concesionaria tanto as cantidades xa pagadas nos recibos cargados como nas vindeiras facturas. (Ver noticia en xornal.vigo.org)

2020-07-06. O Concello non cobrará a taxa de lixo aos establecementos que estiveron pechados na pandemia

Foto noticia
Abel Caballero anunciou que os pequenos e medianos comercios que estiveron pechados durante os 90 días que durou o estado de alarma non terán que pagar o imposto de lixo. O Concello aplicará o desconto no vindeiro recibo, que non se abonará ata o 5 de outubro. (Ver noticia en xornal.vigo.org)

2020-07-06. Unha analítica en 24 praias garante a calidade das augas nos areais da cidade

O alcalde deu conta esta mañá do bo resultado da mostra realizada o pasado 1 de xullo nos 24 areais máis grandes da cidade. Avanzo que o Concello seguirá a facer control sobre as condicións das augas das praias ao longo de todo o verán. (Ver noticia en xornal.vigo.org)

2020-07-06. Vigo avala a seguridade e desinfección dos parques con equipos motorizados

Foto noticia
Abel Caballero pasou revista este luns aos equipos de seguridade e desinfección que traballan xa desde o pasado mes de xuño no control do aforo e hixiene dos parques infantís, biosaudables e pistas deportivas de Vigo. O Concello de Vigo destina case 360.000 euros a estes traballos durante tres meses para cumprir a normativa do Covid-19. (Ver noticia en xornal.vigo.org)

2020-07-03. Caballero felicita ás empresas viguesas con proxectos de investigación sobre o Covid-19

Abel Caballero afirmou este venres estar orgulloso de varias empresas de orixe vigués que actualmente investigan en busca de solucións contra a pandemia do Covid-19. O alcalde mencionou a recente visita do ministro Pedro Duque ao Grupo Zendal, fundado en Vigo e con sede en O Porriño, que recibiu case 1 millóns de euros de subvencións para dous proxectos sobre a vacina do coronavirus, e tamén felicitiou a Pharmamar, que logrou un antiviral eficaz contra a enfermidade. (Ver noticia en xornal.vigo.org)