Actualidade
Temática: Normalización Lingüística
Data de publicación: 29-11-2016
Do 1 ao 28 de decembro. Se tes entre 6 e 12 anos e paseas polo barrio das Travesas poderás dar coa solución fíxandote nos escaparates dos establecementos comerciais que luzan unha foto dun trasno.
Os intrépidos/as que vos aventuredes a resolver este magno enigma deberedes recoller a papeleta co mapa do percorrido na sede da Asociación de Comerciantes e Empresarios das Travesas, nos establecementos colaboradores ou descargala na web snl.vigo.org.
Teredes que visitar cada establecemento marcado no percorrido seguindo os pasos do trasno e apuntando nas casiñas correspondentes da papeleta as respostas aos enigmas que cada local comercial lucirá no escaparate.
Se conseguides resolver todos os enigmas daredes coa solución!
Cando teñades a papeleta cuberta deberedes depositala entre o 1 e o 28 de decembro na furna instalada na sede da Asociación de Comerciantes e Empresarios das Travesas (Galerías Comerciais da avenida Gran Vía, 176).
Entre os/as aventureiros/as que cubrades todas as casiñas da papeleta e deades coa solución sortearase unha magnífica tablet!.
O sorteo terá lugar na sede da Asociación de Comerciantes e Empresarios das Travesas o 28 de decembro, ás 19:30.
Concello de Vigo
Praza do Rei - 36202 - Vigo (Pontevedra) - Teléfono: 010 - 986810100