Escudo Concello de Vigo

Tráfico e Transportes

Noticias de tráfico e seguridade

Lista de noticias

Noticias

05/10/2018. Caballero eloxia o funcionamento da aeroliña Binter que conecta Vigo con Gran Canaria e Tenerife

Foto noticia
Binter contará a partir do 30 de outubro dúas conexión diarias a Tenerife, que se suman ás outras dúas que xa existían con Gran Canaria, unha decisión que agrada ao alcalde quen felicitou aos responsables da compañía durante unha reunión de traballo que mantiveron onte xoves na Alcaldía. (Ver noticia en xornal.vigo.org)

20/09/2018. O alcalde ratifica co comisario xefe da Policía Nacional que Vigo é unha cidade segura

Foto noticia
O alcalde de Vigo intercambiou esta mañá impresións sobre a situación da cidade en materia de seguridade co comisario xefe da Policía Nacional, Emilio Fernández, con quen mantivo un encontro esta mañá na Alcaldía. Ambos responsables coincidiron na percepción de Vigo como unha cidade segura e resaltaron a boa cooperación que existe entre a Policía Nacional e a Local. (Ver noticia en xornal.vigo.org)

18/09/2018. Vinte axentes representarán a Vigo nos VII Xogos Europeos de Policías e Bombeiros, en Alxeciras

Foto noticia
O alcalde entregou esta mañá o equipamento que vestirán en Alxeciras os vinte axentes que van a representar a Vigo no VII Xogos Europeos de Policías e Bombeiros. Entre o 21 e o 29 de setembro, estes efectivos da Policía Local, acompañados por axentes nacionais e da Garda Civil, competirán nas modalidades de fútbol 5, fútbol 7 e atletismo. (Ver noticia en xornal.vigo.org)

14/09/2018. Vigo súmase do 16 ao 22 de setembro á Semana da Mobilidade

Vigo súmase do 16 ao 22 de setembro á Semana da Mobilidade que promove a Comisión Europea co obxectivo de "divulgar unha mobilidade máis sa e sustentable nas cidades", segundo explicou esta mañá Abel Caballero. (Ver noticia en xornal.vigo.org)

31/08/2018. O Concello estudará co sector un novo modelo de funcionamento de taxi compartido

Foto noticia
O alcalde de Vigo avanzou esta mañá que o taxi compartido pode ser en determinadas zonas un sistema alternativo ao autobús, "unha idea sólida" que pode "ser un bo servizo". Tal e como explicou, nestes momentos esta iniciativa está en fase de estudo e se tomará unha decisión en dez días aproximadamente. (Ver noticia en xornal.vigo.org)

20/08/2018. O alcalde subliña o crecemento do bus ao aeroporto, que pode superar os 50.000 usuarios este ano

A liña de autobús urbano que atende ao aeroporto de Vigo superou os 5.000 usuarios en xullo e os 27.000 nos primeiros sete meses do ano. Abel Caballero estimou que as cifras do 2018 superarán os anos anteriores e recordou que a Xunta adica 340.000 euros ao bus que conecta Santiago con Lavacolla e nada en Vigo: "non porque esteamos acostumados deixa de ser grave". (Ver noticia en xornal.vigo.org)

17/08/2018. O Concello habilita canles de atención e asesoramento para os afectados polo afundimento no Porto

Foto noticia
Caballero anunciou a próxima creación dun gabinete de atención psicolóxica e dunha oficina de orientación a vítimas e familiares, ademais de manter o 986810101 con atención as 24 horas. Este luns, o alcalde agradeceu persoalmente a "profesionalidade e heroicidade" dos corpos de seguridade que actuaron na noite do domingo, recoñecemento que fixo extensivo aos sanitarios, 061 e hospitais. (Ver noticia en xornal.vigo.org)

07/08/2018. O Concello expedienta á empresa da "zona azul" polo despedimento "inxusto e improcedente" de oito traballadores

Abel Caballero informou da apertura dun procedemento sancionador contra Dornier por incumprimento grave do contrato de concesión da Xestión de Estacionamento Regulado. O alcalde, que non desbota un eventual rescate da concesión, advirte: "non vou tolerar despedimentos inxustos e improcedentes en contratas do Concello" (Ver noticia en xornal.vigo.org)

09/07/2018. O dispositivo de verán da Policía Local de Vigo dispón de 29 axentes para praias e montes

O alcalde de Vigo informou este luns de que o pasado fin de semana xa comezou a traballar o dispositivo de verano da Policía Local para praias, montes e Illas Cíes. Serán catorce os axentes que este ano traballen nos areais e outros quince os que vixíen os montes vigueses. (Ver noticia en xornal.vigo.org)

05/07/2018. O Concello homenaxea á historia do transporte urbano de Vigo cun tranvía de hai medio século que se expoñerá totalmente restaurado

Foto noticia
"É exactamente igual aos que percorrían a cidade nos anos 20", asegura Caballero (Ver noticia en xornal.vigo.org)