Escudo Concello de Vigo

Tráfico e Transportes

Noticias de tráfico e seguridade

Lista de noticias

Noticias

2020-04-08.O goberno de Vigo duplica a asignación ao Banco de Alimentos e adquire material de protección para os Bombeiros

A Xunta de Goberno Local reúnese este xoves de forma telemática e, segundo adiantou este mércores Abel Caballero, prevé ampliar o convenio co Banco de Alimentos para asignarlle outros 40.000 euros máis ao ano. Ademais, adxudicará o subministro de elementos de protección para o equipo de Bombeiros encargado da desinfección. (Ver noticia en xornal.vigo.org)

2020-04-08.As denuncias da Policía Local superan as 850 desde o inicio do estado de alarma

Os axentes impuxeron 63 novas sancións por saltarse o confinamento onte martes, despois dunha xornada con "controis aínda máis intensos que noutras ocasións\", en verbas de Abel Caballero. Pese aos infractores, o alcalde trasladou o seu "recoñecemento e agradecemento" polo comportamento da "inmensa maioría da cidade". (Ver noticia en xornal.vigo.org)

2020-04-07.A Policía Local sanciona a 26 persoas por incumpriren o decreto do estado de alarma

Cos controis realizados na última xornada elévase a 795 as denuncias cursadas pola Policía Local desde o pasado 16 de marzo. O alcalde percibe unha "tendencia lixeiramente decrecente" no quebrantamento do confinamento. (Ver noticia en xornal.vigo.org)

2020-04-07.Os Bombeiros de Vigo desinfectan cada día os ambulatorios con bombas urbanas lixeiras e de alta presión

O alcalde explicou que o equipo de Bombeiros dedicado á desinfección diaria de centros de saúde e espazos sanitarios está composto por cinco profesionais, equipados con traxes antisalpicadura, equipos autónomos de respiración, casco, luvas e botas, e operan con dúas bombas urbanas lixeiras, outra de alta presión e mochilas eléctricas. (Ver noticia en xornal.vigo.org)

2020-04-06.A Policía Local sancionou a 82 persoas por quebrantar o confinamento a fin de semana

As 82 sancións impostas a pasada fin de semana elevan a 760 a cifra de denuncias que impuxo a Policía Local desde o pasado 16 de marzo. Unha vez máis, o alcalde animou a toda a cidadanía a ser responsable e permanecer na casa. (Ver noticia en xornal.vigo.org)

2020-04-03.Abel Caballero: "Estarei tranquilo cando haxa cero denuncias"

Ante a chegada da semana santa, o alcalde fixo este venres un novo chamamento a quedar na casa e cumprir coas normas do estado de alarma polo coronavirus. A Policía Local impuxo este xoves outras 40 sancións que elevan o total a 619 desde o 16 de marzo. (Ver noticia en xornal.vigo.org)

2020-04-02.A Policía Local eleva os controis diarios ata o millar para "advertir da importancia do confinamento"

Abel Caballero deu conta das inspeccións realizadas polos axentes onte mércores, con 1.074 controis que se saldaron con 38 denuncias. Insistiu o alcalde en que "imos seguir advertindo á cidadanía da importancia do confinamento" na loita contra o coronavirus. (Ver noticia en xornal.vigo.org)

2020-03-31.A Policía Local tramitou este luns 46 sancións e controlou 776 vehículos

Desde o 16 de marzo, os axentes impuxeron 509 denuncias por incumprimentos do estado de alarma. O alcalde lembra que "temos que estar confinados na casa e saír o menos posible". (Ver noticia en xornal.vigo.org)

2020-03-30.Caballero agradece o "sentido común\" da cidade e advirte de sancións "aos poucos que non son cívicos"

Segundo os datos ofrecidos este luns polo alcalde, 94 persoas foron denunciadas esta fin de semana pola Policía Local por incumprir o Real Decreto de estado de alarma, elevando o total aos 463. Ademais, os Bombeiros desinfectaron as inmediacións dos centros de saúde. (Ver noticia en xornal.vigo.org)

2020-03-27.O pago no autobús urbano vigués, só con tarxeta desde este sábado

Abel Caballero confirmou que hoxe venres é o último día no que se permite comprar o billete en metálico: desde este sábado, o acceso será en exclusiva con PassVigo ou tarxeta análoga mentres dure o estado de alarma. A finalidade da medida é diminuír o risco de contaxio suprimindo o intercambio de efectivo. (Ver noticia en xornal.vigo.org)