Escudo Concello de Vigo

Xerencia Municipal de Urbanismo

Noticias

Lista de noticias

Noticias

15/03/2017. "A cidade leva medio século esperando esta proposta de recuperación da Panificadora"

Foto noticia
Abel Caballero participou esta mañá na presentación do proxecto que permitirá rehabilitar o entorno da Panificadora e convertela nun espazo de público con usos colectivos. Así o dixo despois de que o xurado e a comisión técnica fixeran pública a proposta gañadora por unanimidade, a presentada polos arquitectos Jorge Salgado Cortizas e Celso López Martín, que foi elixida entre 33 aspirantes. (Ver noticia en xornal.vigo.org)

14/03/2017. O goberno de Vigo promove con 50.000 euros a instalación de ascensores e a mellora da accesibilidade en edificios

O Concello inicia o procedemento para a convocatoria de axudas, por concorrencia competitiva, á instalación de ascensores, mellora da accesibilidade e eliminación de barreiras arquitectónicas en edificios residenciais colectivos. O alcalde revelou que a convocatoria de 2017 ascende a 50.000 euros. (Ver noticia en xornal.vigo.org)

13/03/2017. O xurado revela este mércores o proxecto gañador do concurso da Panificadora

O gañador sairá das 34 propostas presentadas e recibirá 50.000 euros polo proxecto e 75.000 para a redacción da planificación do ámbito urbanístico, segundo explicou hoxe Abel Caballero. O xurado do concurso convocado polo Concello reúnese este mércores 15 de marzo pola mañá. (Ver noticia en xornal.vigo.org)

08/03/2017. Caballero proporá que a Zona Franca adique 5,5 millóns para a Cidade do Mar

O alcalde e presidente do Pleno do Consorcio anunciou este martes a convocatoria dunha sesión plenaria extraordinaria na que se votarán dous puntos sobre a Cidade do Mar: esixir á Xunta a cesión gratuíta dos edificios da ETEA á Universidade e ofertarlles desde Zona Franca 5,5 millóns para levar adiante alí este proxecto de I+D. (Ver noticia en xornal.vigo.org)

24/02/2017. O goberno local tramita coa máxima celeridade a licenza para rehabilitar a Cidade da Xustiza

O Concello está a espera do informe da Dirección Xeral de Patrimonio para conceder a licenza de derribo de parte do edificio do Xeral e, deste xeito, iniciar a rehabilitación da Cidade da Xustiza. O alcalde apuntou que o goberno local está a actuar coa máxima celeridade e traslada esta mesma esixencia á Xunta. (Ver noticia en xornal.vigo.org)

21/02/2017. O goberno de Vigo formaliza a cesión de parcelas para construir 62 vivendas de protección

Abel Caballero informou este martes da sinatura ante notario da cesión á Xunta de Galicia de parcelas de solo residencial -en Chantada, Ignacio Grobas e Cambeses- que farán posible construir 62 vivendas de promoción pública. O alcalde cifrou en 1,2 millóns o valor dos terreos. (Ver noticia en xornal.vigo.org)

13/02/2017. O Goberno de Vigo solicita a Fomento axilidade para aprobar a modificación do Plan Parcial de Navia

O alcalde de Vigo ratificou esta mañá o interese do Concello na axilización dos trámites que permitirán modificar o Plan Parcial de Navia e, polo tanto, construír unhas 1.600 novas vivendas a prezos accesibles. Pola contra, Caballero criticou os seis anos que leva a Xunta tramitando este plan. (Ver noticia en xornal.vigo.org)

01/02/2017. O rexedor garante máxima dilixencia municipal para iniciar as obras do proxecto da Cidade da Xustiza

Foto noticia
O alcalde avanzou esta mañá que o Concello tramitará coa máxima celeridade a licenza para que en maio poidan arrancar as obras de derrubo de parte do antigo Hospital Xeral. Así o confirmou logo de participar na comisión de seguimento da Cidade da Xustiza, na que tamén estivo presente o vicepresidente da Xunta, Alfonso Rueda. (Ver noticia en xornal.vigo.org)

27/01/2017. O Concello recibiu 35 propostas para a rehabilitación da Panificadora

O alcalde informou do remate do prazo de presentación dos proxectos para recuperar o edificio da Panificadora o luns 30 de xaneiro e da reunión da comisión administrativa, ao día seguinte, para comprobar o cumprimento de requisitos dos participantes e para elixir a un membro do xurado a partir das súas suxestións. (Ver noticia en xornal.vigo.org)

25/01/2017. O Concello pide á Xunta que declare urxente a expropiación dos terreos para ampliar o IFEVI

Deste xeito, segundo expuxo o alcalde, o Concello poderá realizar a expropiación das parcelas en canto o goberno autonómico aprobe o proxecto definitivo da ampliación do Recinto Feiral de Vigo. O obxectivo é "aforrar tempo". (Ver noticia en xornal.vigo.org)