Centro de Emerxencia para Mulleres en situación de Violencia de Xénero

O Concello de Vigo cofinancia este centro xestionado polo polo Consorcio Galego de Servizos de Igualdade e Benestar e coa colaboración da Secretaría Xeral da Igualdade. Forma parte da Rede Galega de Acollemento, e ten como finalidade proporcionar aloxamento inmediato e de curta estancia ás mulleres e as persoas delas dependentes, que se atopen inmersas nunha situación de malos tratos e garantirlles un acollemento de emerxencia mentres se valora a súa situación e/ou se efectúa unha derivación a outro dispositivo máis axeitado.

O Centro de Emerxencia garante unha atención continuada ás usuarias todos os días do ano, incluídos os sábados, domingos e festivos.

A estancia máxima de permanencia do centro será de tres meses, e cumprido este prazo só se admitirá prórroga nos casos excepcionais, nos termos previstos na lexislación vixente.

Durante a súa estadía no Centro as mulleres contan co apoio e asistencia psicolóxica, xurídica e social.

Para recibir máis información ao respecto, contactar co Centro de Información dos Dereitos da Muller, no teléfono 986 293 963