• Número de prazas: +/-14.500

É o único auditorio ao aire libre de Vigo, situado no Parque de Castrelos. Construído a mediados do século XX, pola súa situación e estrutura evócanos os anfiteatros grecorromanos. Neste auditorio celébranse as máis concorridas actuacións musicais durante o período estival. Está dividido en zona de pago –onde caben arredor de 5000 persoas de pé– e a zona aberta chamada hemiciclo. Dadas as características do auditorio, é difícil realizar un cálculo moi aproximado da súa capacidade.