Escudo Concello de Vigo

Información Crisis Coronavirus Covid-19

Noticias municipais Covid-19

Lista de noticias

Noticias

2020-03-31.A Policía Local tramitou este luns 46 sancións e controlou 776 vehículos

Desde o 16 de marzo, os axentes impuxeron 509 denuncias por incumprimentos do estado de alarma. O alcalde lembra que "temos que estar confinados na casa e saír o menos posible". (Ver noticia en xornal.vigo.org)

2020-03-31.O Goberno de Vigo xa entregou 2.263 axudas de emerxencia desde o inicio do estado de alarma

A comisión de valoración de axudas de emerxencia aprobou onte pola tarde case 500 novas achegas, o que eleva a 2.263 a cifra total entregadas desde que se decretara o estado de alarma. Así mesmo, o Concello segue a repartir 450 menús diarios aos usuarios dos comedores sociais da cidade. (Ver noticia en xornal.vigo.org)

2020-03-31.O Concello estende a desinfección diaria á práctica totalidade da cidade con 14 equipos de traballo

not eq ""} Foto noticia
É un "esforzo extraordinario" municipal que chega tamén a todas as parroquias, segundo explicou este martes Abel Caballero. O persoal opera con cisternas, sulfatadoras e canóns, con especial atención aos albergues, establecementos de alimentación e centros de saúde. (Ver noticia en xornal.vigo.org)

2020-03-30.Caballero agradece o "sentido común\" da cidade e advirte de sancións "aos poucos que non son cívicos"

Segundo os datos ofrecidos este luns polo alcalde, 94 persoas foron denunciadas esta fin de semana pola Policía Local por incumprir o Real Decreto de estado de alarma, elevando o total aos 463. Ademais, os Bombeiros desinfectaron as inmediacións dos centros de saúde. (Ver noticia en xornal.vigo.org)

2020-03-30.Vigo paraliza toda a obra pública coa prohibición da actividade económica non esencial

not eq ""} Foto noticia
A decisión do Goberno de España de prohibir a actividade económica non esencial paraliza todas as obras públicas na cidade. Abel Caballero incluíu esta decisión dentro da batalla contra o coronavirus porque "o prioritario é a saúde\". (Ver noticia en xornal.vigo.org)

2020-03-30.O Concello repartiu axudas de emerxencia a case 1.800 familias por valor de 145.000 euros

Abel Caballero informou este luns de que o Concello de Vigo xa atendeu a case 1.800 familias para proporcionarlles todo tipo de axudas de emerxencia ante a crise do Covid-19. O valor total é de 145.000 euros. (Ver noticia en xornal.vigo.org)

2020-03-30.O Concello ofrece colaboración á Xunta para a atención sanitaria

O alcalde explica que xa lle comunicou por carta ao presidente do goberno autonómico que "todos os dispositivos da cidade" están ao seu dispor para velar pola saúde das 600.000 persoas que conforman a Área Sanitaria de Vigo. (Ver noticia en xornal.vigo.org)

2020-03-27.Xa está operativo o portal dixital que reunirá a creatividade artística local durante o confinamento

Todos aqueles interesados en compartir a súa creatividade artística durante este período de confinamento xa poden facer chegar as súas creacións a confinarteconcultura.vigo.org. Teñen que ser vídeos curtos, que deberán estar gravados en formato horizontal, cun peso máximo de 500 MB e unha duración máxima de 5 minutos. (Ver noticia en xornal.vigo.org)

2020-03-27.Vigo.org ofrece táboas de exercicios para realizar actividade física na casa

O alcalde deu conta esta mañá da adaptación do programa Síntome Ben para que a xente poida facer exercicio na súa casa. A páxina web municipal recolle táboas con programas deportivos deseñados por profesionais para todos aqueles interesados. (Ver noticia en xornal.vigo.org)

2020-03-27.A cociña do albergue municipal repartiu 1.200 menús desde o inicio da crise do COVID-19

Abel Caballero informou este venres de que a cociña do albergue municipal xa repartiu máis de 1.200 menús durante os últimos dez días. Estas comidas están destinadas aos propios usuarios do albergue, ás persoas acollidas no pavillón do Berbés e ao servizo a domicilio. (Ver noticia en xornal.vigo.org)