Escudo Concello de Vigo

Cultura

Noticias de Cultura

Lista de noticias

Noticias

19/09/2019. O III Festival Rock Concello de Vigo, o 19 de outubro no IFEVI

Foto noticia
O alcalde anunciou que Sober, Ñu ou O’Funkillo son algúns dos grupos que compoñen o cartel do festival que celebra a súa terceira edición este ano "dado o éxito" das dúas anteriores edicións. (Ver noticia en xornal.vigo.org)

17/09/2019. O Outono Lírico traerá Tosca e o Barbeiro de Sevilla ao Teatro Afundación co apoio do Concello

Foto noticia
O concelleiro de Cultura, Abel Losada, destacou unha vez máis a estreita cooperación entre Concello e a Asociación de Amigos da Ópera na posta en marcha da programación dunha nova edición do Outono Lírico. Nesta ocasión, poderemos gozar de Tosca e do Barbeiro de Sevilla no Teatro Afundación o 21 de setembro e o 27 de outubro, respectivamente. (Ver noticia en xornal.vigo.org)

06/09/2019. O Mar de Vigo acolle a actuación de Mi Capitán

A terraza do Auditorio acollerá este sábado (20:30 horas) o concerto do grupo Mi Capitán como epílogo das festas de verán. A entrada é gratuíta ata completar o aforo. O mesmo escenario xa acolleu a semana pasada as actuacións de Pedro Guerra e Uxía, o pasado 29 de agosto, e o de Mikel Erentxun), o día 31. (Ver noticia en xornal.vigo.org)

05/09/2019. O Concello programa 24 funcións no Auditorio Municipal dentro dunha nova edición de Vigocultura

Foto noticia
Abel Losada presentou esta mañá a programación de Vigocultura cunha performance organizada diante do MARCO como avance dun dos espectáculos que se van ofrecer no Auditorio Mar de Vigo durante os próximos dous meses. Desde o 27 de setembro ao 29 de novembro, o Concello programará 24 espectáculos de maxia, teatro, danza e circo, entre os que haberá un día dedicado aos bebés e dous espectáculos que se poderán ver na rúa do Príncipe. (Ver noticia en xornal.vigo.org)

05/09/2019. O goberno local nomea aos novos representantes municipais do Padroado da Fundación MARCO

Abel Caballero deu conta esta mañá do nomeamento dos novos membros do Padroado da Fundación MARCO, no que estarán representados todos os grupos municipais. O Concello achega 605.000 euros anuais ao museo, o 75% do seu orzamento.
(Ver noticia en xornal.vigo.org)

23/08/2019. Caballero garante o apoio do Concello de Vigo á Coral Casablanca

Foto noticia
Abel Caballero recibiu este venres a Ignacio Amoedo e a José Carlos Giménez, presidente e vicepresidente da Coral Casablanca, que lle presentaron o seu proxecto para a vindeira temporada. O alcalde garantiulle aos responsables da formación o apoio do Concello de Vigo. (Ver noticia en xornal.vigo.org)

09/08/2019. A Orquestra Clásica de Vigo traslada ao domingo o seu concerto da Noite Branca

Segundo explicou este venres o alcalde, a previsión climatolóxica para este venres anima a "non correr riscos" coa Orquestra Clásica de Vigo, que ofrecerá a súa actuación este domingo, ás 21h, na mesma localización prevista: os xardíns históricos do Pazo de Castrelos. O resto de concertos da Noite Branca celebraranse, de chover, en sitios próximos a cuberto. (Ver noticia en xornal.vigo.org)

06/08/2019. Abel Caballero anima a participar este venres da Noite Branca, a "gran noite dos museos de Vigo"

Foto noticia
A "gran mobilización en torno aos museos da cidade" terá lugar este venres, unha Noite Branca que demostra unha "intensa vida cultural" e que en edicións anteriores foi un "éxito moi importante". Serán máis de 40 visitas guiadas, lúdicas, con representacións e obradoiros, unha ducia de concertos musicais, 12 puntos de actividade, exposicións permanentes e temporais. (Ver noticia en xornal.vigo.org)

05/08/2019. A Orquestra Clásica de Vigo ofrecerá un concerto no monte do Castro na noite das Perseidas

Da man do Concello de Vigo, a formación clásica interpreta este sábado ás 21:45h "Peer Gynt", a coñecida obra de Edvard Grieg, con acceso gratuíto ata completar aforo. Logo da edición inaugural do pasado ano, reedítase este verán a Noite das Perseidas na explanada das áncoras, no monte do Castro. (Ver noticia en xornal.vigo.org)

02/08/2019. O Concello programa visitas guiadas, exposicións, concertos e obradoiros na Noite Branca do 9 de agosto

Foto noticia
Abel Caballero presentou a programación para o próximo venres, noite que prolonga a apertura dos museos de Vigo ata as dúas da mañá, e invitou á cidadanía a gozar das actividades, todas gratuítas. Serán máis de 40 visitas guiadas, lúdicas, con representacións e obradoiros, unha ducia de concertos musicais, 12 puntos de actividade, exposicións permanentes e temporais. (Ver noticia en xornal.vigo.org)