Escudo Concello de Vigo

Xuventude

Trámites de Xuventude

Lista de trámites

Carné Xove

O carné xove é unha tarxeta persoal e intransferible á disposición da mocidade galega, que a acredita como tal, e coa que obtén descontos e vantaxes das entidades colaboradoras en Galicia, no resto das comunidades autónomas españolas e nos 40 países europeos adheridos ao programa do Carné Xove, agás excepcións propias de cada comunidade ou país.

Espazos de Ocio e Tempo Libre para Nenos e Nenas

Son espazos lúdico-educativos que empregan o xogo e o xoguete para procurar o desenvolvemento integral das nenas e dos nenos.

Nestes espazos ofértanse:

- Unha grande variedade de xoguetes e materiais lúdicos, axeitados ás idades e características dos e das rapaces e rapazas.

- Un proxecto socio-educativo que é a base do noso traballo.

- Un equipo de profesionais do ámbito social, educativo e do lecer.

Servizos que se ofertan:

- Salas para gozar da túa música

- Libros, banda deseñada e prensa

- Xogos e obradoiros sobre o medio natural

- Xogos de mesa

- Xogos simbólicos e dramáticos

- Salas de manualidades e obradoiros

- Creación e construción de xoguetes

- Obradoiros de cociña

- Cine infantil

- Xogos de construción, quebracabezas, maquetas

- Xogos de exterior, xogos con material alternativo, xogos cooperativos, xogos predeportivos, e deportes

Outros servizos:

- Colaboración con diferentes entidades e asociacións.

- Asesoramento ás nais e pais

- Préstamo de xoguetes e libros

- Saídas e excursións

- Visitas culturais

Laboratorio Fotográfico para Revelado en Branco e Negro para a Mocidade

Un laboratorio que permitirá realizar revelados en branco e negro. Só hai que traer o papel e os líquidos para o revelado e o laboratorio ofrece o resto do material necesario.

Solicitude da Sala de Exposicións para a Mocidade

As salas de exposicións da Casa da Xuventude e do Punto Xove son espazos ideados para que o colectivo xove desenvolva as súas inquietudes artísticas e culturais de calquera modalidade: pintura, fotografía, escultura, proxeccións audiovisuais ... dando promoción aos novos valores artísticos.

Solicitude da Sala de Xuntanzas para a Mocidade

Unha sala cunha amplitude suficiente para realizar actividades con carácter multiuso. Equipada con mobiliario básico para formación e outras actividades de reunión a desenvolver por parte de grupos ou colectivos que a soliciten, preferentemente do municipio de Vigo.

A sala pódese solicitar para unha sesión ou varias, pero non de xeito permanente.

Solicitude de Local de Ensaios Musicais para a Mocidade


Salas acondicionadas para o ensaio de grupos ou solistas de calquera estilo musical. Estes espazos contan con equipo de son e instrumentos básicos para ensaios.



Nestes intres, o Servizo de Xuventude do Concello de Vigo conta con varios locais:



1- Na Casa da Xuventude.



2- En Vigosónico.