Escudo Concello de Vigo

Medio Ambiente

Camiño a Camiño

O programa de educación medioambiental "Camiño a Camiño" desenvolto pola Concellería de Medio Ambiente de Vigo ten previsto desenvolver unha atractiva actividade entre os meses de marzo a xuño de 2020.

"Camiño a Camiño" ten como obxectivo a sensibilización medioambiental e o fomento de hábitos saudables entre a cidadanía viguesa. Como é habitual na programación combinaranse percorridos medioambientais, con hortas-escola, voluntariado e actividades formativas e de divulgación.

No apartado de percorridos medioambientais está prevista unha ampla oferta que arranca no mes de marzo co tránsito polos "camiños naturais" de Vigo, lembrando os oficios que ao longo dos séculos XIX e XX tiñan lugar explotando recursos naturais e as sendas que seguían para transportar os produtos resultantes.

A finais de marzo e durante abril abordarase o camiño histórico de Tui a Vigo en tres etapas, coincidindo nalgúns casos cos chamados camiños reais: as "grandes estradas da época". Xa en maio terá lugar a VII Andaina polos montes de Vigo, xunto co camiño do románico por Vigo e as habituais visitas e acampadas familiares nas Illas Cíes. Para rematar, en xuño achegarémonos a dous espazos naturais referentes en Galicia: as Fragas do Eume e o camiño dos arrieiros no Carballiño.

Proseguirase coa actividade das hortas-escola, tanto no 1º nivel, de iniciación, como no 2º nivel, de profundización, que se están a desenvolver nos espazos habilitados en Navia, Camelias, Pedro Alvarado, Fontáns, Ramón Nieto e Sardomela.

O voluntariado medioambiental de Camiño a Camiño seguirá desenvolvendo a súa laboura en espazos de especial interese ecolóxico (nos montes de Vigo, etc), así como na conservación dos sendeiros locais e nas hortas urbanas.

No apartado de formación terán lugar as habituais accións formativas de hortas e de contido medioambiental.

  1. Destinatarios
  2. Inscricións
  3. Acreditación o día da ruta
  4. Percorridos medioambientais
  5. Hortas urbanas de Vigo
  6. Formación
  7. Voluntariado medioambiental Camiño a Camiño
  8. Blog Camiño a Camiño
  9. Díptico informativo

Destinatarios

  • Persoas maiores de idade empadroadas en Vigo (autorízase á organización a comprobar tal condición e a solicitar o DNI previamente á realización da actividade).
  • No caso de residir en Vigo e non estar empadroado incluirase na Lista de agarda os xoves pola tarde ata as 20 horas, confirmándose a praza no caso de vacantes ao final do proceso de inscrición.
  • Menores de idade. Deberán ir acompañados polos seus pais ou titores legais. No caso de ir a cargo doutro adulto distinto deberá presentar un documento de autorización.
  • Inscrición no 010 (móbil: 986 810 260) de luns a mércores, de 8 a 20 horas, da mesma semana da actividade. Non empadroados, os xoves.
  • Datos mínimos de inscrición: nome completo, DNI (no caso de menores, DNI do titor), teléfono de contacto, data de nacemento e e-mail (opcional).
  • Cada persoa só poderá inscribir a un total de 4 persoas (agás no caso de unidades familiares con máis de un fillo/a), sendo necesario dispor de todos os datos esixidos.
  • A inscrición faise por estrito orde de chegada.
  • No caso de cubrirse o cupo da ruta ou de non estar empadroado, pasarase á lista de agarda.
  • As renuncias cubriranse coa lista de agarda, tendo preferencia as persoas empadroadas ás non empadroadas.

Inscricións

Para todas as actividades tramítanse unicamente a través do servizo de atención telefónica do Concello de Vigo - 010 (móbil: 986 810 260), sendo o prazo de inscrición de luns a mércores, de 8 a 20 horas, da mesma semana da actividade. Para non empadroados habilítase o xoves.

No caso das rutas con achega, esta efectuarase segundo o procedemento indicado neste enlace. No caso das Visitas a Cíes e Acampadas familiares en Cíes a inscrición realízase segundo o establecido na programación.

De non efectuar o pago nos prazos marcados, perderase a praza e chamarase á lista de agarda.

Para axilizar ao máximo o tempo de chamada, é preciso ter a man os datos que as operadoras rexistran no proceso (Nome e apelidos, NIF, teléfono de contacto e idade); ademais é importante comentarlle á operadora calquera incidente que poida ser relevante para os monitores, guías e socorristas (alerxias, discapacidades que afecten á práctica de exercicio físico, lesións, etc).

Acreditación o día da ruta

Para participar nas actividades de Camiño a Camiño, e particularmente nos percorridos medioambientais, a organización poderá solicitar en calquera momento do DNI para identificar aos participantes segundo a información proporcionada polo 010.

Información dos percorridos medioambientais

Nesta edición de primavera de 2020 de Camiño a Camiño abordaranse "Camiños naturais de Vigo", "Camiño histórico Tui-Vigo", "Rutas por Cíes" ou "Rutas con encanto por Galicia". A intención é coñecer de preto a riqueza e diversidade existentes no Concello de Vigo e nos arredores.

Intercalado participarase na VIIª Andaina polos dos montes de Vigo o 10 de maio, no que se porán en valor os recursos naturais e paisaxísticos dos nosos montes.

Máis información na solapa "Rutas" do Blog de Camiño a Camiño.

Hortas urbanas de Vigo

  • Horta-escola de Sardomela (a carón do Colexio Sello - Cabral): Martes 10-13h e venres 16-19h.
  • Horta-escola de Fontáns (Lavadores): Mércores 16-19h e sábados 10-13h
  • Horta-escola de Ramón Nieto I: Mércores 16-19h e sábados 10-13h
  • Horta-escola de Pedro Alvarado (Teis): Xoves 16-19h e sábados 10-13h
  • Horta-escola de Navia: Martes 16-19h e sábados 10-13h
  • Horta-escola de Camelias: Xoves 16-18:30h
  • Horta-escola en Vigozoo, Horta-escola de Casa da Xuventude: Horario asignado a cursos e actividades de voluntariado.

Requisitos para participar nas hortas-escola da relación anterior: ter Curso básico de hortas urbana e ter concedido praza previa solicitude nos cursos. Gratuíto

  • Horta-escola de Ramón Nieto II: Horario asignado a alumnado de 2º nivel. Prazas: segundo dispoñibilidade do espazo. Gratuíto. Requisitos: ter participado no último ano nunha horta-escola e asistir ao Curso de hortas urbanas 2º nivel.

Máis información na solapa "Hortas urbanas" do Blog de Camiño a Camiño

Charlas e Cursos de formación

Como complemento ás actividades de educación medioambiental programadas para o 1º semestre de 2020, a Concellería de Medio Ambiente organiza unha oferta formativa centrada no voluntariado medioambiental e nas hortas urbanas.

Máis información na solapa "Formación" do Blog de Camiño a Camiño

Voluntariado medioambiental Camiño a Camiño

Programa de participación cidadá promovido pola Concellería de Medio Ambiente en colaboración coa Oficina Municipal de Voluntariado e dirixido a apoiar a xestión de necesidades medioambientais competencia do Concello de Vigo.

A participación no programa require a realización dun Curso de iniciación ao voluntariado medioambiental (ver Formación), así como a cumprimentación do requisitos de ser maior de idade e ser veciño ou veciña de Vigo.

Para poder participar no Voluntariado medioambiental de Camiño a Camiño cómpre facer o acordo de colaboración de cara a cumprir cos requirimentos da lei de voluntariado de Galicia. Para tal fin, nas actividades de voluntariado pódese cumprimentar, trasladando os citados acordos para o seu trámite á Oficina Municipal de Voluntariado.

Voluntariado urbano

  • Monte da Guía, Montes de Vigo e Río Lagares.
  • Mércores e sábados, de 10 a 13 horas.
  • Prazas/dia: ata 15.
  • Requisitos: ter Curso de iniciación ao voluntariado medioambiental e ter asinado o acordo de voluntariado do Concello de Vigo. Accións específicas convocadas en blog e/ou via mail.

Voluntariado de acompañamento de Cans

  • Mércores, 9:30 a 11:30 horas.
  • Lugar: Refuxio de animais abandonados de Vigo (Candeán)
  • Prazas/dia: ata 12.
  • Requisito: ter Curso de iniciación ao voluntariado medioambiental e ter asinado o acordo de voluntariado do Concello de Vigo.

Voluntariado de sendeiros

  • Martes e xoves, de 16 a 19 horas.
  • Prazas/dia: segundo acción convocada.
  • Requisitos: ter Curso de iniciación ao voluntariado medioambiental e ter asinado o acordo de voluntariado do Concello de Vigo.

Blog Camiño a Camiño

Espazo de información e participación da comunidade de Camiño a Camiño.

Información das rutas: Nos días previos ao inicio da inscrición poderás atopar información das rutas da seguinte fin de semana, así como un resume do que aconteceu no anterior. Tamén poderás descargar fotografías e información de interese.

Voluntariado Camiño a Camiño: colocarase semanalmente a programación previsto así como as convocatorias puntuais que se realicen.

Cursos de formación: aparecerán os cursos dispoñibles por tempada.

Ademais, no correo info@caminoacaminovigo.org poderás deixar os teus comentarios ou aportacións ao blog.

Enlace ao Blog do Camiño a Camiño