Solicitude dun colector individual para o tratamento insitu dos residuos orgánicos

Máis da metade dos residuos que diariamente se producen nos fogares, son restos de comidas,mondas de froitas, cascas de ovos...Residuos aos que se lle pode dar unha segunda oportunidade converténdoos en abono orgánico.

Agora, xa é posible realizar un tratamento domiciliario dos bioresiduos grazas aos novos contedores orgánicos domésticos que o Concello de Vigo e FCC poñen a disposición dacidadanía e que se poden instalar en calquera recuncho exterior dos nosos fogares.

Este proceso, ademais de beneficios económicos e sociais, ofrece unha importante vantaxe ambiental, xa que representa a xestión máis ecolóxica para a fracción orgánica de lixo.

Solicita xa o teu contedor e o asesoramento técnico necesario para crear abonos naturais para os teus frutais, plantas ou horta chamando ao teléfono 900 859 660, ou a través do formulario web de solicitude

Contedor de tapa marrón

Chegan a Vigo os contedores de tapas marróns. Estes contedores teñen por obxecto o depósito de aqueles restos que se producen na preparación das comidas, crudas ou cociñadas e calquera sobras das mesmas como: cáscaras de ovo, peladuras de patacas e froitas, borras do café, restos de infusións, etc. Tamén admiten tapóns de cortiza ou pequenos restos vexetais. O obxectivo é dar unha segunda vida a ese tipo de residuos, obtendo un abono natural de calidade que se poida utilizar tanto para a agricultura como para a xardinería.

Non poderán usarse, polo tanto, para depositar desperdicios como os restos de varrer, cinza ou cabichas, cueiros, compresas ou outros produtos hixiénicos, excrementos dos animais de compañía como cans ou gatos. Todos estes residuos deberán depositalos no colector de lixo de sempre (fracción resto).

• Os colectores ábrense con calquera PassVigo.
• Máis información no teléfono do 010 do Concello, no teléfono 900 859 660 da compañía FCC, ou na plataforma da tarxeta PassVigo
• A solicitude da tarxeta realizarase polo cauce actual na plataforma da tarxeta PassVigo
• As incidencias deberán comunicarse no teléfono 010.
• Video explicativo da operativa coa tarxeta nos colectores orgánicos (video/mp4 - 26Mb)
• Plano das ubicacións do contenedor marrón