Escudo Concello de Vigo

Medio Ambiente

Calendario do programa

Percorridos medioambientais

    1. Rutas por Vigo e bisbarra
    2. Costa Atlántica: Oporto – Vigo
    3. Visita ás Illas Atlánticas
    4. 2ª Andaina polos Montes de Vigo

      Rutas por Vigo e bisbarra

      Como é habitual en todas as tempadas de Camiño a Camiño, comézanse os percorridos medioambientais visitando os clásicos espazos de interese ecolóxico do concello situados nas zonas húmidas no entorno do río Lagares e o Vao.

      Unha vez arrancada a programación, abordarase o clásico percorrido pola traxectoria do canle de auga que subministra Vigo, esta vez dende Vigo ata o Encoro de Eiras.

      Por último, neste ano 2015 incorpóranse os sendeiros locais creados arredor do GR-53 (Sendeiro panorámico de Vigo). En concreto, os tres activos son o de Matamá-Comesaña, o de Saiáns e o de Candeán.

      • Humidais de Vigo* (8 febreiro)
      • Ruta da Auga I**: Vigo - Os Valos (15 febreiro)
      • Ruta da Auga II**: Os Valos – Pazos de Borbén (22 febreiro)
      • Ruta da Auga III**: Pazos de Borbén – Encoro de Eiras (1 marzo)
      • Sendeiro Local de Matamá-Comesaña* (8 marzo)
      • Sendeiro Local de Saiáns* (15 marzo)
      • Sendeiro Local de Candeán* (22 marzo)

      Saída: 9:30 dende a Praza do Rei. Convocatoria: 9:00

      Retorno (estimado): entre 13:30 e 14:30, na Praza do Rei.

      Grupo de ata 300 persoas, agás o 15 e 22 de marzo: 180 persoas.

      Transporte: por conta dos usuarios/as

      Inscrición: 010, na semana da actividade. Empadroados: de luns a mércores, de 8:00 a 20:00. Non empadroados: o xoves.

      Lugar de recollida do ticket de viaxe: ao ter concedida a praza, na Casa da Xuventude (López Mora 31), ata o xoves as 20:00h. Os percorridos gratuítos, no momento de coller o autobús na Praza do Rei.

      *Xornada de mañá. Gratuíto. Desprazamento: autobús urbano.
      ** Xornada de mañá. Achega 3 euros. Desprazamento: autobús discrecional. Menores de 12 anos: 50% da achega.

      Costa atlántica: Oporto - Vigo

      Nesta serie de percorridos preténdese coñecer a costa atlántica dende Oporto a Vigo, un total de aproximadamente 175 km. Terase ocasión de contemplar os tramos urbanos e periurbanos de costa (areais, paseos, etc), os espazos naturais que se xeran nas desembocaduras dos ríos (Douro, Ave, Cávado, Lima e Miño) e os acantilados (sobre todo no tramo galego), todos eles cos seus respectivos contidos de flora e fauna e de xeoloxía e patrimonio.

      O percorrido divídese en dúas partes, con lóxicas diferenciadas: o tramo portugués e o tramo galego.

      a) Tramo portugués: modalidade fin de semana

      • Etapa 1: Oporto – Póvoa de Varzim (14-15 marzo)
      • Etapa 2: Póvoa de Varzim – Viana do Castelo (21-22 marzo)
      • Etapa 3: Viana do Castelo – Oia (11-12 abril)

      Saída dende a Praza do Rei: sábado, 7:45h.

      Retorno aproximado á Praza do Rei: domingo, 20:00.

      Inscrición: presencial na Casa da Xuventude entre o 23 e o 26 de febreiro, de 10 a 14h e de 17 a 20h, por orde de chegada. Cada persoa poderá inscribir como máximo a dous adultos e aos menores a cargo que lle acompañen.

      a) Inscrición Tipo 1: realización das 3 etapas. Prazas máximas: 100

      b) Inscrición Tipo 2: realización dunha das etapas. Prazas: 50 en cada etapa. No caso de haber dispoñibilidade de prazas da outra modalidade, cubriranse coa lista de agarda.

      Transporte, seguro de accidentes e aloxamento (bungalows/caravanas/tenda con cama/habitación): por conta dos/das usuarios/as (entre 40 e 55€ segundo elección). Espazos compartidos. En determinadas modalidades de aloxamento hai cociña.

      Xantar en ruta do sábado, a cargo de usuario/a.

      Opcional: cea, almorzo e bolsa pícnic (20 €)

      b) Tramo galego: modalidade domingo todo o día

      • Etapa 3: A Guarda - Oia (12 abril)
      • Epata 4: Oia - Baiona (19 abril)
      • Etapa 5: Nigrán - Vigo (26 abril)

      Saída: 9:30 dende a Praza do Rei. Convocatoria: 9:00

      Retorno (estimado): entre 19:00 e 20:00, na Praza do Rei.

      Grupo de 150 na etapa 3, que se xuntan cos procedentes do Tramo portugués; e ata 300 persoas as outras.

      Transporte: por conta dos usuarios/as

      Inscrición: 010, na semana da actividade. Empadroados: de luns a mércores, de 8:00 a 20:00. Non empadroados: o xoves.

      Lugar de recollida do ticket de viaxe: ao ter concedida a praza, na Casa da Xuventude (López Mora 31), ata o xoves as 20 horas.

      Achega: 7€ (etapas 3 e 4) e 3€ (etapa 5). Desprazamento: autobús discrecional. Menores de 12 anos: 50% da achega.

       

      Visita ás Illas Atlánticas

      Coa entrada do mes de maio está previsto coñecer os tres arquipélagos das Illas Atlánticas: Illas Cíes, Ons e Sálvora. Os tres pertencen ao Parque Natural e son sen dúbida unha auténtica xoia, tanto medioambientalmente como espazo de recreo. Dada a grande demanda de outros anos, en 2005 ampliáronse o número de prazas e os días de actividade, podendo así combinar visita o sábado e/ou o domingo de dúas fins de semana.

      • Illa de Sálvora (sábado, 2 maio)
      • Illa de Ons (domingo, 3 maio)
      • Illas Cíes (domingo, 3 maio)
      • Illa de Ons (sábado, 9 maio)
      • Illa de Sálvora (domingo, 10 maio)
      • Illas Cíes (domingo, 10 maio)

      Saída dende a Estación Marítima de Vigo. Recollida de tickets: 9:00

      Retorno á Estación Marítima de Vigo (estimado): 20:00

      Grupos. Sálvora: 200 prazas; Ons: 250 prazas; Cíes: 500 prazas

      Transporte: por conta dos usuarios/as. Sálvora: 12 euros; Ons: 12 euros; Cíes: 7 euros. Menores de 12 anos: 50% de achega.

      Inscrición: 010, na semana da actividade. Empadroados: de luns a mércores, de 8:00 a 20:00. Non empadroados: o xoves.

      Lugar de recollida do ticket de viaxe: ao ter concedida a praza, na Casa da Xuventude (López Mora 31), ata o xoves as 20 horas.

       

      2ª Andaina polos Montes de Vigo (17 maio)

      Un dos maiores patrimonios naturais de Vigo é o cinto de montes que o delimitan e, no seu seo, os Parques forestais que as comunidades de montes conservan con tanto mimo. Este valor patrimonial foi posto en valor coa creación do Sendeiro Panorámico de Vigo (GR-53), sendo un clásico nas rutas de Camiño a Camiño. Nesta ocasión, por segundo ano consecutivo, quere rendérselle tributo cunha Andaina na que nun só día pódense percorrer a meirande parte deles.

      Os detalles da actividades publicitaranse a partir do 4 de maio. En todo caso, haberá un percorrido longo entre a maioría dos parques forestais e, tamén, un percorrido curto para quen prefira un traxecto menor.

       

       

       

       

       

       
       

      Concello de Vigo

      Praza do Rei 1 - 36202 - Vigo (Pontevedra)

      Teléfono Concello de Vigo: 010 - 986810100