Escudo Concello de Vigo

Cultura

Museo do Mar de Galicia

Enderezo: avenida Atlántida, 160. 36208 Vigo
Teléfono: 986 247 750
Fax: 986 247 748
Páxina web: www.museodomar.com
e-mail: mdom@museodomar.com

Horarios:

  • Horario de verán (15 de xuño ao 15 de setembro):
    • Luns: pechado (agás festivos que rexerá o horario do domingo).
    • Martes a domingo: de 11 a 14 e de 17 a 20 horas.
  • Horario de inverno (16 de setembro ao 14 de xuño):
    • Luns: pechado (agás festivos que rexerá o horario do domingo).
    • Martes a domingo: de 10 a 14 e de 17 a 19 horas.

Os días 25 de decembro, 1 e 6 de xaneiro o Museo permanecerá pechado. Así mesmo, os días 24 e 31 de decembro só abrirá en horario de maña.

Servizos:

  • Visitas escolares con Unidades didácticas: 10, 12 e 16 horas de martes a venres.
  • Visitas guiadas: fixas ás 11, 12:30, 17 e 18:30 horas, fóra destas horas, consultar.
  • Guía da exposición dispoñible na web.
  • Salón de actos.
  • Aparcadoiro e aseos para minusválidos.
  • Tenda.
  • Consigna.
  • Aseos con cambiadores para bebes.

 

Tarifas:

As entradas teñen validez por un día. A entrada Xeral ten acceso a todas as instalacións.

  • Museo (acuario e exposicións temporais incluídas):
    • Xeral: 3 €
    • Reducida*: 1,50 €
  • Acuario: 2 €
    • Xeral: 2 €
    • Reducida*: 1 €
  • Exposicións temporais: 2 €
    • Xeral: 2 €
    • Reducida*: 1 €
  • Entrada gratuíta: Menores de 8 anos e grupos de escolares.

*Tarifas reducidas: Menores de 18 anos, persoas paradas, estudantes e xubiladas (sempre que o acrediten), ONGs e grupos de máis de 10 persoas.

O Museo do Mar de Galicia, situado na Punta do Muíño, en Alcabre, naceu coa vontade de ser unha sede dedicada ao mar. É un ambicioso proxecto cultural e científico inaugurado en xuño do 2002 e deseñado polo arquitecto italiano Aldo Rossi e o galego César Portela.

Pódense distinguir até seis partes: o xardín; un conxunto de cinco naves rehabilitadas; unha praza empedrada que permite a comunicación entre as praias; un edificio de nova planta, construído sobre o linde dunha parcela gañada ao mar; un porto no que se sitúa o acuarium; un faro, e o propio mar que envolve a construción.

O Museo distingue un ámbito gratuíto inicial, onde o visitante entra en contacto co mar, e a exposición permanente de pago, centrada na historia económica e social do desenvolvemento da industria pesqueira galega, abarcando seccións sobre a extracción, conservación e comercialización dos produtos pesqueiros. Conta ademais cun acuario, onde se amosan os ecosistemas das rías galegas, e un xacemento arqueolóxico. Os vestixios deste xacemento fálannos das explotacións dos recursos pesqueiros xa desde épocas prehistóricas, fío condutor da exposición permanente do museo.