Escudo Concello de Vigo

Maiores

Noticias

Lista de noticias

Noticias

04/12/2019. Caballero asegura que "ninguén que queira durmir a cuberto carece de lugar" en Vigo

Segundo os datos que facilitou este mércores o rexedor, a noite pasada houbo 31 prazas vacantes nos albergues da cidade, 6 no municipal e 15 no da Fundación Santa Cruz. (Ver noticia en xornal.vigo.org)

03/12/2019. Caballero súmase á conmemoración do Día Internacional da Discapacidade

Foto noticia
O alcalde participou este martes na Praza da Estrela na xornada "Baixo o mesmo paraugas. Galicia pola diversidade" co que as entidades que traballan no ámbito da discapacidade queren visualizar a reivindicación dunha sociedade plural que acolla a todos por igual. Abel Caballero defendeu que todas as persoas teñen os mesmos dereitos e avogou polas políticas de discriminación positiva, trasladándolle aos participantes no acto o cariño da cidade polo traballo que desenvolven. (Ver noticia en xornal.vigo.org)

26/11/2019. A campaña "De Boa Man" comeza a súa edición anual para a exposición e venda de produtos artesanais elaborados por persoas con discapacidade

Foto noticia
Entre os días 25 e 29 de novembro a Ronda de Don Bosco, esquina coa Rúa Príncipe (ao lado esquerdo do MARCO), en horario ininterrumpido de 10 a 20h, acollerá a edición anual do tradicional mercadillo "De Boa Man", un espazo para a exposición e venda de produtos artesanais que da a coñecer e pon en valor as capacidades laborais das persoas con discapacidade. (Ver noticia en xornal.vigo.org)

26/11/2019. A inversión municipal en políticas sociais aumentou nun 288% desde o ano 2007

Foto noticia
O Concello adica 52 millóns a políticas sociais, o que supón un incremento de dun 288% máis respecto ao ano 2007. En rolda de prensa, a concelleira de Política Social asegurou que a administración local vese na obriga de suplir as carencias e a falta de xestión da Xunta de Galicia na cidade. (Ver noticia en xornal.vigo.org)

25/11/2019. O alcalde avoga polas políticas que garanten a igualdade de toda a cidadanía

Foto noticia
Durante a presentación dos actos en Vigo do Día Internacional das Persoas con Discapacidade, Abel Caballero defendeu a discriminación positiva "en favor de quen máis o precisa". O vindeiro 3 de decembro, a Praza da Estrela acolle os actos desta xornada co lema "Baixo o mesmo paraugas. Galicia pola diversidade". (Ver noticia en xornal.vigo.org)

15/11/2019. O Concello concede 3.190 bolsas de comedor e non deixa estudantes en lista de agarda

Ningún estudante quedará sen bolsa de comedor en Vigo, segundo explicou o rexedor nunha rolda de prensa na que avanzou que hai 3.190 beneficiarios. O Concello ampliará a partida de 1,2 millóns prevista para atender a 38 nenos ou nenas que quedaban en lista de agarda. (Ver noticia en xornal.vigo.org)

12/11/2019. O Goberno municipal cede instalacións deportivas a 15 entidades viguesas

Foto noticia
O alcalde mantivo un encontro este martes con representantes de 15 entidades deportivas, sociais e educativas para notificarlles a cesión gratuíta de espazos para que poidan desenvolver as súas actividades deportivas. Participaron na xuntanza Down Vigo, Vigo Deporte Base, Asociación Alborada, Doa Saúde Mental, Fundación Menela, Fundación Igual Arte, Tamiar Apamp, os IES Santa Irene, Santo Tomé, A Guía e Teis, o CEIP Altamar, Asociación Galega San Francisco e as Federacións Galegas de Taekwondo e de Tenis. (Ver noticia en xornal.vigo.org)

08/11/2019. O goberno municipal ofrece formación de autoprotección a 16 mulleres

Con estes cursos contribúese a mellorar a súa autoestima e seguridade persoal. A Xunta de Goberno Local vén de aprobar a cesión temporal dunha vivenda municipal a unha familia vítima de violencia de xénero. (Ver noticia en xornal.vigo.org)

04/11/2019. O problema da soidade centra as II Xornadas de envellecemento activo do Calvario

Foto noticia
As charlas e actividades celebraranse os días 11, 12 e 14 de novembro. "Vivimos nunha sociedade onde a forma de entender a vida cambiou moito e cumprir anos é un valor", asegurou Abel Caballero na presentación do ciclo. (Ver noticia en xornal.vigo.org)

25/10/2019. Abel Caballero apoia as reivindicacións do Día Internacional do Dano Cerebral Adquirido

Foto noticia
Vigo sumouse aos actos organizados no día Internacional do Dano Cerebral Adquirido da man de "Alento na rúa", cun acto celebrado esta mañá na Praza do Rei. O alcalde participou na iniciativa apoiando a un colectivo, que logo de facer un tapiz no chan, leu un manifesto reivindicativo. (Ver noticia en xornal.vigo.org)