|
GA
Escudo Concello de Vigo

Gerencia Municipal de Urbanismo

Noticias

Lista de noticias

Noticias

14/02/2019. O goberno de Vigo ultima a recuperación da edificabilidade en case que 50.000 parcelas

Foto noticia
O Concello, que xa conta cunha decena de informes sectoriais, traballa na notificación dos propietarios pendentes (o 19% do total) a través do BOE e na resolución das alegacións presentadas. Abel Caballero subliñou o "nivel de acordo" dos titulares cun proxecto municipal que devolverá a edificabilidade en máis dun terzo da cidade. (Ver noticia en xornal.vigo.org)

07/02/2019. O goberno municipal insiste na inclusión dun instituto na modificación do plan parcial de Navia

O Concello de Vigo seguirá a esixir un instituto na modificación do plan parcial San Paio de Navia, unha vez que o informe sobre as alegacións enviado pola Xunta de Galicia desbotara esa posibilidade. Caballero amosou a súa desconformidade con esta negativa porque Navia necesita esta dotación educativa e avanzou que non vai renunciar a ningunha das observacións realizadas polo Concello ao documento. (Ver noticia en xornal.vigo.org)

06/02/2019. O Concello esixe á Xunta medidas urxentes de seguridade na lonxa de Canido tras sufrir un derrube

O alcalde de Vigo, Abel Caballero, alertou de que as consecuencias poderían ser moi graves se a caída do teito fose dúas horas despois. "Agardamos a que a Xunta informe do sucedido", sinalou. (Ver noticia en xornal.vigo.org)

04/02/2019. Caballero propón integrar a fachada da vella estación de tren no deseño de Mayne para Urzáiz

Foto noticia
O alcalde anunciou hoxe luns a súa intención de recuperar a fachada de pedra da antiga estación de tren de Vigo -desmontada nos oitenta e almacenada en Redondela- para emprazala xunto ao acceso á nova estación do AVE de Urzáiz, deseñada por Thom Mayne. O arquitecto estadounidense visita hoxe a cidade. (Ver noticia en xornal.vigo.org)

01/02/2019. O Concello autoriza a derruba do asilo de Pi y Margall obrigando a conservar a fachada

O asilo será a primeira propiedade a demoler no Barrio do Cura, coa obriga de desmontar a fachada da igrexa para logo reconstruíla no seu emprazamento actual. Abel Caballero, quen advertiu do "risco inminente de colapso" do inmoble revelado polos técnicos, anotou que o derrubo dará "seguridade" á zona. (Ver noticia en xornal.vigo.org)

25/01/2019. Vigo avanza na elaboración do novo PXOM co programa de traballo e a análise de situación da cidade

Foto noticia
Abel Caballero informou este venres da entrega ao resto de grupos políticos deste documento, que fixa un cronograma de traballo e os principais eixos do futuro PXOM, e analiza a situación da cidade e o mercado inmobiliario. O alcalde estimou que en sete meses estará listo o borrador e o documento inicial estratéxico. (Ver noticia en xornal.vigo.org)

22/01/2019. O Concello promove as expropiacións necesarias para a terminal de bus e os accesos á estación do AVE

Foto noticia
Segundo explicou Caballero este martes, o Concello custea a expropiación duns 500 m2 "imprescindibles" para construír a estación de autobuses e os accesos á estación do AVE de Urzáiz. O alcalde anunciou que en febreiro virá a Vigo o arquitecto Thom Mayne para supervisar as obras e o encaixe do ascensor entre García Barbón e Vía Norte que proxecta o Concello a través da estación do AVE.
(Ver noticia en xornal.vigo.org)

15/01/2019. O Concello aproba o proxecto do novo aparcamento nos terreos da antiga fábrica Álvarez

O alcalde avanzou este martes a aprobación do proxecto de construción dun estacionamento gratuíto para 78 vehículos, na esquina de Ramón Nieto con Manuel Álvarez, cun orzamento de 48.000 euros. As prazas son "moi necesarias" na zona, argumentou Caballero, quen engadiu que o prazo de obras será dun mes. (Ver noticia en xornal.vigo.org)

14/12/2018. Caballero: "A decisión de Mos sobre os terreos do polígono do Rebullón é inadmisible e intolerable"

O Concello de Vigo remitirá unha carta ao Concello do Mos, á Xunta de Galicia e ao Instituto Xeográfico Nacional na que rexeita a decisión unilateral do pleno mosense sobre os límites do municipio no polígono do Rebullón. "En término políticos é inadmisible e intolerable", sinalou o alcalde. (Ver noticia en xornal.vigo.org)

12/12/2018. Caballero critica o intento de Mos de anexionar case 50.000 m2 do termo municipal de Vigo

Foto noticia
O goberno local trasladou a súa oposición ao intento de Mos de "anexionar" case 50.000 m2 do polígono de O Rebullón nos que hai instalados unha vintena de empresas. O alcalde asegurou que os límites están fixados polo Instituto Xeográfico Nacional e criticou a decisión unilateral de Mos de modificar o territorio de Vigo. (Ver noticia en xornal.vigo.org)