|
GA
Escudo Concello de Vigo

Tráfico y Transportes

Noticias de tráfico y seguridad

Lista de noticias

Noticias

04/12/2019. O Concello de Vigo inaugura o tramo do carril-bici de 2,6 quilómetros entre Camelias e Venezuela

Foto noticia
Abel Caballero e Carmela Silva inauguraron este mércores un novo tramo de carril-bici operativo, o que discorre entre a Praza Independencia e o cruce de Venezuela con Gran Vía. Deste xeito, avanza un proxecto que conta cun orzamento de 4,5 millóns, dos que 3,5 proceden de fondos da Deputación de Pontevedra. (Ver noticia en xornal.vigo.org)

03/12/2019. O Concello reordena o tráfico na rúa Venezuela para mellorar a fluidez e a seguridade de peóns

Abel Caballero anunciou este martes a reordenación de tráfico na rúa Venezuela para mellorar a fluidez da circulación e a seguridade de peóns e bicicletas. As modificacións entrarán en vigor este mesmo mércores. (Ver noticia en xornal.vigo.org)

02/12/2019. O alcalde sinala a "satisfacción da cidade" ante o avance do complexo de comunicacións de Vigo

Foto noticia
Abel Caballero visitou esta mañá as obras da nova estación de autobuses da cidade e agradeceulle ao presidente da Xunta a "cooperación" neste proxecto no que as administracións competentes, dixo, "estiveron á altura do que Vigo merece". (Ver noticia en xornal.vigo.org)

20/11/2019. Caballero dá a benvida aos 24 novos axentes que se incorporarán en xaneiro á Policía Local de Vigo

Foto noticia
O alcalde de Vigo saudou este mércores aos 24 novos axentes que se incorporan á Policía Local tras aprobar o ano pasado a oposición. Abel Caballero indicou que a oferta de emprego dos anos 2017, 2018 e 2020 sumará a outros 62 novos policías. (Ver noticia en xornal.vigo.org)

20/11/2019. Vigo contará cunha nova liña de autobús urbano

O alcalde anunciou este mércores que desde o vindeiro mes de decembro funcionará unha nova ruta de transporte urbano entre a Praza de América e a Centro Santa Marta, en Alcabre, logo da petición das persoas maiores ingresadas na residencia para dispor dunha liña de autobús. (Ver noticia en xornal.vigo.org)

18/11/2019. O goberno municipal habilita o pago da zona azul a través do teléfono móbil

O alcalde deu conta esta mañá dalgunhas das melloras que está a implementar a concesionaria do estacionamento regulado (zona XER), entre as que destaca a posibilidade de pagar co teléfono móbil. A través da app Telpark, o usuario poderá recibir alertas de caducidade ou localizar o vehículo con xeolocalización. (Ver noticia en xornal.vigo.org)

29/10/2019. O Concello activa o servizo especial de autobuses para o Samaín e a festividade de Todos os Santos

Un servizo especial de transporte urbano porase en marcha este venres 1 de novembro para facilitar o desprazamento de pasaxeiros ata os cemiterios da cidade. Ademais, as liñas regulares máis demandadas disporán dun servizo de ampliación de frecuencia. Tamén haberá reforzo para a noite do Samaín. (Ver noticia en xornal.vigo.org)

22/10/2019. O Concello ensaia con éxito a utilización da PassVigo para o autobús turístico do Nadal

O Festival de Rock Concello de Vigo celebrado a pasada fin de semana serviu como banco de probas para testar o futuro funcionamento da PassVigo no autobús turístico de Nadal. O público contou cun autobús lanzadeira ata o centro, cuxo billete pode ser comprado con antelación, xunto coa entrada ao festival. Co código da PassVigo se bonifica o importe do bus. Este sistema xa se poderá usar no bus turístico no Nadal. (Ver noticia en xornal.vigo.org)

21/10/2019. Caballero encomia o labor da Policía e dá ánimos á familia do axente vigués ferido en Cataluña

Foto noticia
O alcalde de Vigo saudou este luns a medio centenar de axentes da Policía Nacional que participan nun curso de seguridade no Porto de Vigo e aproveitou para louvar o seu labor. Abel Caballero tamén aproveitou para solidarizarse co axente vigués ferido en Cataluña e coa súa familia. (Ver noticia en xornal.vigo.org)

16/10/2019. O goberno local testa o sábado a utilización online da PassVigo para o autobús turístico do Nadal

O Festival de Rock Concello de Vigo celébrase este sábado, desde as 20h, no IFEVI, coas actuacións de Sober, Ñu, O’Funkillo, Motores e Quarzum. Ao finalizar, o público contará cun autobús lanzadeira ata o centro, cuxo billete pode ser comprado con antelación, xunto coa entrada ao festival. Co código da PassVigo se bonifica o importe do bus. Trátase dunha proba piloto de cara a empregar a tarxeta cidadá para as viaxes con desconto no bus turístico no Nadal vigués. (Ver noticia en xornal.vigo.org)