Son comisións informativas as que se constitúen con carácter xeral, distribuíndo entre elas, para o seu ditame, os asuntos que deben someterse ao Pleno. O seu número e denominación, así como calquera variación destas durante o mandato decidirase mediante acordo do Pleno por proposta da Alcaldía, procurando, no posible, a súa correspondencia co número e denominación das áreas nas que se estruturan os servizos administrativos.

As comisións informativas terán as seguintes funcións:

a) Estudo, informe, consulta ou ditame dos asuntos que han de ser sometidos a acordo ou decisión do Pleno.

b) O seguimento da xestión da Alcaldía e do seu equipo de goberno respecto dos asuntos propios da súa competencia

c) As funcións resolutorias que o Pleno lles delegue.

Comisións informativas:

• Patrimonio Histórico, Cultura, Igualdade e Normalización Lingüística
• Fomento e Servizos
• Emprego, Fondos Europeos, Patrimonio, Medio Ambiente, Educación, Deportes e Xuventude
• Urbanismo e Vivenda
• Seguridade, Contratación, Festas e Xestión Municipal
• Política Social e Turismo
• Orzamentos e Facenda
• Parques e Xardíns, Comercio, Participación Cidadá e Festas Especiais

Normativa:

• Regulamento Orgánico do Pleno do Concello de Vigo
• Acordo do Pleno 03/07/2023: Creación e Composición.