A Lei 3/2007 de Prevención e Defensa contra Incendios Forestais de Galicia ten por obxecto defender os montes ou terreos forestais fronte aos incendios e protexer ás persoas e os bens afectados polos mesmos, e atribúe ás entidades locais, entre outras, a competencia da elaboración e aprobación do Plan municipal de prevención e defensa contra os incendios forestais, e obriga ás persoas responsables a xestionar a biomasa forestal nos terreos incluídos na rede de faixas.

O Concello de Vigo aprobou definitivamente o 2 de abril de 2020 o seu Plan municipal de prevención e defensa contra os incendios forestais que inclúe a delimitación da rede secundaria de faixas de xestión da biomasa forestal.

• Consulte se o seu terreo está incluído na rede de faixas co visor da delimitación da rede secundaria de faixas de xestión da biomasa forestal do Concello de Vigor

Isto supón que, con carácter xeral, nas parcelas incluídas nas faixas non poderá haber árbores das seguintes especies: piñeiro, mimosa, acacia, eucalipto, xesta, fento, silva, toxo... Pode consultar o listado completo de especies.

• Aprobación definitiva do Plan de prevención e defensa contra incendios forestais do concello de Vigo. Expte. 104/105.
• Documentación técnica aprobada definitivamente do Plan de prevención e defensa contra incendios forestais (arquivo zip 941,5 MB).