Actualidade: Axenda

10:00 VERBUM Casa das Palabras

• Lugar: Avda. de Samil, 17
• Horario: Martes a domingo de 10:00 a 19:00h.
• Prezo: 3 euros.
  Grupos, pensionistas, carné xove e infantís de 7 a 14 anos: 1 euro. Gratuita para menores de 7 anos e mestres non universitarios.
• Datas: Permanente

TELÉFONO: 986240130

VERBUM é un museo interactivo sobre tódolos ámbitos relacionados coa comunicación humana, diseñado como un espacio cultural, lúdico e divulgativo no que se pode participar dun modo activo nos elementos expositivos.

Máis información en www.verbum.vigo.org

11:00 Exposición: "Paixóns Privadas, Visións Públicas (Coleccións D.O. Galicia)

• Lugar: Marco, Museo de Arte Contemporánea
  Rúa do Príncipe
• Horario: Martes a Sábado: 11,00 a 21,00 horas.
  Domingo: 11,00 a 15,00 horas
  Luns: pechado
• Datas: Ata ó 07/09/2008

Baixo o título PAIXÓNS PRIVADAS, VISIÓNS PÚBLICAS, o comisario e crítico de arte Fernando Castro Flórez presenta unha selección de fondos de coleccións privadas de Galicia, centradas en arte contemporánea. Un conxunto de obras que, dende os anos oitenta ata o presente, nos axuda a facer un percorrido pola historia da arte e do coleccionismo máis próximo.
Como trasfondo, unha lectura historiográfica sobre a aparición das feiras de arte contemporánea nos anos sesenta, pouco antes de que xurdise o concepto ‘sistema da arte’ (1972).
Alén da simple exhibición das obras, a exposición tenta analizar as similitudes e particularidades entre os seus contidos, funcionando dalgún modo como homenaxe e posta en valor destas coleccións, e como estímulo para fomentar o coleccionismo. Existen múltiples factores que conforman o sentido dunha colección e a súa propia razón de ser. PAIXÓNS PRIVADAS, VISIÓNS PÚBLICAS supón un primeiro achegamento cara ao coleccionismo privado en Galicia, e sitúa á vista do público obras que ata agora permanecían ocultas.

11:00 Exposición: "O Medio é o Museo"

• Lugar: Marco, Museo de Arte Contemporánea
  Rúa do Príncipe
• Horario: Martes a Sábado: 11,00 a 21,00 horas.
  Domingo: 11,00 a 15,00 horas
  Luns: pechado
• Datas: Ata ó 28/09/2008

Un proxecto expositivo composto de diferentes tipos de traballos que abordan o museo ou a institución como soporte e referente das obras de arte.
A exposición concíbese necesariamente a partir dun número de obras específicas realizadas para cada unha das sedes —o MARCO de Vigo e o Koldo Mitxelena de San Sebastián— e unha serie de pezas comúns adaptadas aos espazos de ambos os dous museos. En cada lugar e momento, o espazo arquitectónico, o contexto ou o funcionamento cotián da institución, actúan como os elementos significativos do contido da exposición. É dicir, espiuse ao máximo o museo, de maneira que é este, como ‘soporte’, o que se exhibe: o espazo resulta así dimensionado, especificado, interpretado e performado na súa totalidade a través das accións dos artistas e da participación do público.

11:00 Exposición: "Oliver Añón"

• Lugar: Marco, Museo de Arte Contemporánea
  Espazo Anexo
  Rúa do Príncipe
• Horario: Martes a Sábado: 11,00 a 21,00 horas.
  Domingo: 11,00 a 15,00 horas
  Luns: pechado
• Datas: Ata ó 31/08/2008

Unha estrutura de ficción, unha composición fílmica a partir do traballo dunha colectividade inconexa e inexistente, é o núcleo do proxecto de Oliver Añón no Espazo Anexo do MARCO. Tal estrutura é a dunha peza videográfica elaborada a partir da colaboración de sete ‘supostos’ autores. O proxecto aglutina, como engadido arredor da película, catro cortes de vídeo así como debuxos e textos, coa intención de funcionar como documentación acerca dos lugares, espazos ou estudios de traballo de cada un dos autores que colaboran na película.

Alén da distinción xenérica entre realidade e ficción, entre o documental como rexistro verídico do considerado real e a fantasía do imaxinario, do correcto ou inapropiado de calquera prexuízo, a imaxe videográfica aparece aquí configurada dende o mestizo dunha tecnoloxía, dende un aparato para unha construción (non xa captura) da imaxe. Xunto á imaxe que se ve, a reflexión; xunto a un ollo sorprendido polo espectáculo, un exercicio de recomposición da imaxe.

11:30 NATURNOVA

• Lugar: Centro Social Caixanova Policarpo Sánz, 26.
• Horario: Martes a Venres de 17:00 a 21:00 h.
  Sábados, Domingos e Festivos de 11:30 a 14:30 e de 17:00 a 21:00h.
• Prezo: Entrada xeral 3 euros.
  Pensionistas, estudiantes e desempleados 2 euros.
  Grupos (mínimo 10 personas) 1 euro.
• Datas: Permanente

TELÉFONO: 986120088

A pretensión deste espacio para a educación medioambiental é tratar de axudar a concienciar á sociedade da importancia do mantemento do entorno, enfocando esta actividade principalmente hacia os sectores de poboación máis xóvenes. Para iso dotouse de medios suficientes para a realización das distintas actividades nas mellores condicións, como talleres, laboratorio, aulas de formación, biblioteca, videoteca, etc.
A exposición Naturnova consta de 37 módulos organizados en tres áreas temáticas: O universo, A Biosfera, e O Home e o Medio.
Naturnova ou Centro Interactivo de Educación Medioambiental serve como guía de reflexión sobre os efectos das actividades humanas sobre o ecosistema e as súas posibles solucións.
Tamén mostra o Sistema Solar en movemento, o fondo da Ría a bordo dun submarino, un vpo virtual sobre Galicia, xogos de ordenador, ... En Naturnova o protagonista activo é o visitante.

12:00 O tenente de alcalde, Santi Domínguez, asiste á final e acto de clausura da Vigo Cup 2008

• Datas: 06/07/2008

Estadio de Balaídos.

12:30 Imaxina Sons'08: Jazz no Vitrasa

• Lugar: Diversas Líneas Autobús Urbano
• Horario: 12,30 horas
• Datas: Ata ó 06/07/2008

A posta en marcha da iniciativa "Jazz no Vitrasa" é unha das novidades que presenta a edición do Festival de Jazz de Vigo Imaxina Sons deste ano, segundo anunciou este venres o concelleiro de Cultura, Xesus López. Así, diversas liñas do transporte público de Vigo, durante todos os días que dure o festival e ás 12.30 horas, serán o escenario ao que se subirán os pasarrúas para tocar a súa música e facilitar que os viaxeiros do bus urbano poidan gozar da música .

12:30 CONCERTO: BANDA DE MÚSICA UNION MUSICAL DE VALADARES

• Datas: 06/07/2008

MONTERO RIOS

17:00 Exposición: "Xosé Maria Álvarez Blázquez", Arqueólogo de Vigo

• Lugar: Museo Municipal de Vigo "Quiñones de León"
• Horario: Martes a sábados: 17.00-20.00 h
  Domingos e festivos: 10.00-13.30 h Luns pechado
• Prezo: Entrada gratuita
• Datas: Ata ó 20/07/2008

O Museo Municipal de Vigo "Quiñones de León" reivindica a traxectoria vital,
museolóxica e arqueolóxica de Xosé María Álvarez Blázquez –a quen este ano
2008 a Real Academia Galega lle dedica o Día das Letras Galegas– coa
exposición Xosé María Álvarez Blázquez, arqueólogo de Vigo que se inaugura o
día 16 de maio de 2008 na súa sala de exposicións temporais.

O Museo recupera así a figura deste destacado arqueólogo e prehistoriador,
impulsor da creación da sección de arqueoloxía do mesmo, da hemeroteca
municipal e da conservación dos restos arqueolóxicos do municipio aspectos que
foron ata agora os menos coñecidos da súa actividade.
Pilar Barciela Garrido, museóloga e arqueóloga, é a comisaria desta mostra
que reúne máis de 200 pezas arqueolóxicas, –unha reducida cantidade dos
materiais que Xosé María Álvarez Blázquez depositou e posteriormente donado ao museo vigués–; xunto con material documental e gráfico procedente na súa meirande parte do propio arquivo de Xosé María Álvarez Blázquez, do arquivo do Concello e do Museo.
Información (pdf)

17:00 Exposición antolóxica do artista galego Manuel Facal

• Lugar: Sala de Exposicións Centro Cultural Caixanova
• Horario: Martes a Venres de 17:00 a 21:00 h.
  Sábados, Domingos e Festivos de 11:30 a 14:30 e de 17:00 a 21:00h.
• Datas: Ata ó 27/07/2008

A exposición conta cun total de 59 obras realizadas entre os anos 70 e a actualidade.

A exposición enmárcase dentro da serie "Grandes Artistas Galegos" promovida pola entidade financeira, da que fai o número 51. Na mostra realízase un completo repaso por toda a traxectoria de Facal, deténdose naquelas etapas máis significativas: as esculturas de tecidos, as súas composicións cargadas dun informalismo expresivo de gran forza, os gravados, os cosidos ou os libros.
Manuel Facal Ponte nace no municipio coruñés de Carballo en 1943.
Hai nel indicios eminentemente dedicados ao debuxo, con inspiración en mestres tan diversos como Picasso, Dalí ou o galego Urbano Lugrís, para achegarse posteriormente a tendencias máis convencionais durante un breve espazo de tempo en que se vincula a Vigo. A mediados da década dos setenta trasládase a Barcelona, decidido a concluír estudos ben afastados da creación artística, entregándose a parcelas como o deseño gráfico e téxtil.
Forma parte do movemento "Atlántica", que nos anos oitenta proxecta a súa persoal visión da arte, que deriva cara a modos "pobres" do cartón e o "collage" de considerable relevo. Non abandona a estampación e un dos traballos máis notables foi a serie de aguafuertes titulada "As cinzas do amor", sobre textos de grandes poetas españois.

17:00 Exposición: Un paseo por la historia de la matemática en la muestra didáctica "Dos ábacos aos computadores"

• Lugar: Sala de Exposicións I do Centro Social Caixanova
• Horario: De luns a venres: de 18.00 a 21.30 horas.
  Sábados, domingos e festivos: de 11.00 a 14.00 horas e de 18.00 a 21.30 horas.
• Datas: Ata ó 24/08/2008

"Dos ábacos aos computadores" é unha mostra de carácter didáctico que pretende achegar ao visitante ao proceso evolutivo, que abarca desde os sistemas de cálculo das culturas orientais, grecorromanas e islámicas e o progreso no cálculo matemático na Idade Moderna, ata a aparición no século XX da informática.
A exposición pretende presentar diacrónicamente a evolución do cálculo ata a chegada da informática, e facer fincapé na instrumentación actual para intentar mostrar como pode ser o futuro.
O visitante coñecerá de primeira mano máquinas como o primeiro UNIVAC 1130 da USC, as perforadoras de cartóns, as primeiras memorias electrónicas e aparellos de cálculos diversos, ademais dos compoñentes dos computadores.

18:00 Fundación Laxeiro

• Lugar: Casa das Artes Rúa Policarpo Sanz 15
• Horario: De luns a venres de 18:00h a 21:30h
  Sábados de 11:00 a 14:00 e de 18:00 a 21:30h
  Domingos e festivos de 11:00 a 14:00h
• Prezo: ENTRADA GRATUITA
• Datas: Permanente

Exposición Permanente na Casa das Artes

Máis información

18:00 Exposición Fino Lorenzo. "Digresións (2004-2008)"

• Lugar: Casa das Artes. Planta baixa. Rúa Policarpo Sanz nº 15. Vigo
  
• Horario: Luns a venres: 18.00 – 21.30 h.
  Sábados: 11.00 – 14.00 h.
  18.00 – 21.30 h.
  Domingos e festivos: 11.00 – 14.00 h.
• Datas: Ata ó 13/07/2008

As obras que conforman esta mostra, realizadas durante os últimos catro anos, iniciáronse en sinxelos xogos co volume. Os sucesivos procesos, coas súas correspondentes herexías, xurdiron dunha estrutura básica, fráxil e flexible, non dogmática. Liña a liña, salto a salto, foron definindo un territorio aberto, un campo de traballo, un lugar onde xogar con esas cousas que tanto lles gustan aos artistas e que definen formalmente a substancia do obxecto: a estrutura, a imaxe e a figura, a forma, a cor, as distintas densidades do espazo, a escala, o material, as relacións entre fraxilidade e tamaño, a integración dos opostos...
Unha das miñas metades aspira á nudez. Construción básica. Tensión, equilibrio. A outra metade mergúllase na densidade dos estratos, na superposición de capas, nas pegadas do combate. Sabe que unha obra é unha sucesión interminable de sumas e restas, un inmenso burato negro. Sabe que detrás de cada peza hai outras moitas abortadas para que esta poida mostrarse.
Coma un só de jazz.

19:30 Festival Jazz Imaxina Sons'08: "Javier Vercher Sextet"

• Lugar: Auditorio Municipal Concello de Vigo
  Praza do Rei
• Horario: 19,30 horas
• Prezo: Entradas: 3 euros
• Datas: 06/07/2008

Javier Vercher (saxo tenor),
Aruan Ortiz (piano),
Edward Pérez (baixo),
Brannan Temple (batería),
Arturo Stable (percusión),
Nacho Arimani (pecusión)

Javier Vercher é un dos talentos jazzísticos españois máis prometedores do momento.
Cos seus trinta anos Javier Vercher se caracteriza polo seu afán de mellora e de progre-sión, de aí o seu "mañana tengo que seguir estudiando como un loco". Tras chegar aos EEUU e constituir un trío con Brannen Temple e Chris Higgins fai a súa primeira publi-cación
Introducing the Javier Vercher trio.
Javier Vercher publicou tamén traballos co saxofonista valenciano Perico Sambeat:
Infinita ou Under the grey sky adicado a New York.

19:30 Festival Jazz Imaxina Sons'08: "Javier Vercher Sextet"

• Datas: 06/07/2008

Prezo: Entradas: 3 euros
FORMACIÓN:
Javier Vercher (saxo tenor),
Aruan Ortiz (piano),
Edward Pérez (baixo),
Brannan Temple (batería),
Arturo Stable (percusión),
Nacho Arimani (percusión)
Auditorio Municipal Concello de Vigo

21:00 Ciclo de Cinemas Dixitais

• Lugar: Museo Verbum, Casa das Palabras
  Avda. Samil
• Horario: De 21,00 a 22,00 horas
• Prezo: Entrada libre e gratuíta
• Datas: Ata ó 19/08/2008

A Consellería de Cultura e Deporte,a través da Dirección Xeral de Creación e Difusión Cultural e a Axencia Audiovisual Galega,en colaboración co IGAEM,presenta,no museo Verbum -Casa
das Palabras,o ciclo de Cinemas Dixitais que volven ás pantallas dos concellos galegos cunha programación baseada en telefilmes e en documentais galegos.
Estes seleccionáronse tomando
como referencia catro grandes temas de actualidade na nosa sociedade:a vivenda-urbanismo,a memoria histórica,a emigración e os movementos sociais.
O obxectivo deste ciclo de Cinemas Dixitais é achegar ao cidadán galego os problemas cos que se pode enfrontar no seu día a día e que tome conciencia deles.Así,entre os documentais
seleccionados podemos atopar producións televisivas,longametraxes subvencionadas,
curtametraxes de creadores individuais ou produción independente.
Programación Cine (pdf)

22:00 Festival Jazz Imaxina Sons'08, Concerto de Clausura: "Atomic/School Days con Ken Vandermark"

• Lugar: Teatro Sala de Concertos do Centro Cultural Caixanova
• Horario: 22,00 horas
• Prezo: 12-€ (butaca); 11-€ (1º anf.); 10-€ (2º anf.); 9-€ (3º anf.)
• Datas: 06/07/2008

O creativo, orixinal e explosivo Vandermark está considerado un dos grandes instru-mentistas do jazz actual. O seu grupo céntrase nas actuacións en directo, tocando por toda Europa con asiduidade (Italia, Croacia, Eslovenia, Alemania,...)
Nas súas composicións mestura elementos do jazz, da música contemporánea, funk,
rock e música tradicional de todo o mundo, pero Vandermark deixa sempre un espazo para a improvisación, punto central de todos os seus traballos, e para a reinterpretación de cada tema por parte dos seus músicos acompañantes.
Esta formación de octeto, pouco habitual nas propostas da tradición do free-bop, sona en moitos momentos coma moito máis ca iso; presentarán Atomic School Days un pro-xecto que sonará con forza, con potencia e con variedade de composicións no que todos os seus músicos e compoñentes aportan.