|
GA
Escudo Concello de Vigo

Juventud

Noticias de Juventud

Lista de noticias

Noticias

20/08/2019. O alcalde anima aos nenos e nenas dos campamentos de verán a coidar o mar

Foto noticia
Abel Caballero visitou este martes ao nenos e nenas que participan nos campamentos de verán que se celebran en Bouzas. O alcalde animou aos máis pequenos a desfrutar das actividades programadas e a coidar o mar. O Concello ofreceu este ano un total de 32.276 prazas de campamentos, unhas 5.000 máis que en 2018, cunha oferta para todas as idades e unha subvención municipal do 65%. (Ver noticia en xornal.vigo.org)

09/08/2019. O alcalde clausura o campamento urbano municipal das Travesas

Foto noticia
Abel Caballero achegouse este venres ao Pavillón Central das Travesas onde os arredor de 450 nenas e nenos que participaron no campamento urbano, organizado polo Concello, celebraban a última xornada logo de pasar quince días compartindo actividades de deportes, música, teatro, xogos e excursións. Durante o acto de clausura, amosaron as súas aprendizaxes con actuacións musicais e baile. (Ver noticia en xornal.vigo.org)

09/08/2019. O goberno municipal amplía o prazo do concurso musical "Vigo en Vivo"

Segundo informou o rexedor, "o interese que está espertando" a convocatoria do concurso co que o Concello quere fomentar a creación musical e o espírito creativo entre grupos noveis da cidade, fai que se prorrogue o prazo de inscrición ata o 30 de agosto. Poden participar aqueles grupos cuxo 50% dos seus compoñentes estean empadroados en Vigo e, como premio, poderán gravar maquetas en Vigosónico e actuar en diferentes espazos da cidade.
(Ver noticia en xornal.vigo.org)

02/08/2019. O goberno municipal organiza obradoiros infantís en Samil e nos barrios entre o 5 e o 13 de agosto

O alcalde vén de anunciar a celebración de diferentes actividades para os cativos en Samil, Bouzas, Navia, Praza da Independencia e O Calvario onde poderán participar nos espectáculos de maxia e circo, en obradoiros creativos e gozar de animación na rúa. (Ver noticia en xornal.vigo.org)

24/07/2019. "Vigo en Vivo" premia o talento de músicos vigueses noveis

O alcalde informou da apertura do prazo de inscrición para o concurso musical que busca fomentar a creación musical da xente nova e que poderán gravas maquetas e mesmo un videoclip. (Ver noticia en xornal.vigo.org)

11/07/2019. O Concello programa actividades náuticas na ETEA para nenos e nenas

Foto noticia
Abel Caballero visitou este xoves o antigo recinto militar, onde o goberno de Vigo leva adiante o "Verán Náutico na ETEA", un campamento no que os nenos e nenas practican vela lixeira, deportes de arrastre, kaiak, windsurf e paddle board, entre outras. Este verán o Concello ofrece máis de 32.000 prazas en actividades infantís e xuvenís. (Ver noticia en xornal.vigo.org)

23/05/2019. O Concello abrirá o luns o prazo de inscrición para os campamentos de verán

As inscricións para os campamentos de verán do Concello de Vigo poderán facerse desde o vindeiro luns, 27 de maio, ata o día 30 do mesmo mes. Os interesados poderán cumprimentar os requisitos a través da páxina web xuventudevigo.org. (Ver noticia en xornal.vigo.org)

05/04/2019. O Concello organiza actividades de ocio para adolescentes na Casa da Xuventude

"Estarde Ocio" comeza esta tarde na Casa da Xuventude con propostas de ocio para adolescentes de entre 13 e 17 anos. Música, obradoiros de grafitti, rap, regueifas, poesía ou capoeira son só algunhas das actividades das que se poderán beneficiar uns 13.000 mozos e mozas da cidade. (Ver noticia en xornal.vigo.org)

29/03/2019. O goberno municipal organiza actividades para a mocidade nas fins de semana

O programa "Estar de Ocio" desenvólvese na Casa da Xuventude con concertos, obradoiros e exhibicións desde este mes de abril. (Ver noticia en xornal.vigo.org)