|
GA
Escudo Concello de Vigo

Igualdad

Noticias de Igualdad

Lista de noticias

Noticias

22/04/2019. O alcalde eloxia o labor a prol da igualdade de Exeria, Ernestina Otero e Filomena Dato

Foto noticia
Abel Caballero asistiu este luns ao descubrimento das placas coa nova denominación de tres edificios da Universidade de Vigo que reciben o nome de Exeria, Ernestina Otero e Filomena Dato, onde puxo en valor a traxectoria das tres mulleres que "marcaron tanto nas súas épocas" e que loitaron pola igualdade. Durante o acto, María Teresa Fernández de la Vega, presidenta do Consello de Estado e ex vicepresidenta do Goberno, apuntou que "non hai futuro que non pase pola igualdade" cualificando a violencia de xénero como a lacra "máis indigna que sufrimos as mulleres" (Ver noticia en xornal.vigo.org)

12/03/2019. O Concello continúa coa programación do Día Internacional da Muller

Proxección de filmes, recital aberto de poesía de xénero con Iolanda Zúñiga, visita guiada ao Roteiro feminino Sons de Mulleres a cargo de María Casar, actuación musical do grupo "Habelas Hainas", contacontos de igualdade a cargo de Paula Carballeira ou proxección de curtas son algúns dos actos previstos. (Ver noticia en xornal.vigo.org)

11/03/2019. O Concello convoca novos cursos de autoprotección para mulleres impartidos pola Policía Local

O Concello continúa na súa tarefa de loita contra a violencia de xénero e volve convocar cursos de autoprotección para mulleres. A Policía Local e a psicóloga do Centro Municipal de Información dos Dereitos da Muller son os responsables de impartir nove sesións formativas para as que o prazo de inscrición comeza hoxe luns. (Ver noticia en xornal.vigo.org)

07/03/2019. O Consello Municipal da Muller lembra a obra de escritoras e pensadoras feministas

Foto noticia
O Concello de Vigo celebrou este xoves un Pleno específico do Consello Municipal da Muller con motivo da conmemoración mañá 8 de marzo do Día Internacional das Mulleres. Nove entidades do Consello convidaron á reflexión coa lectura de textos de pensadoras feministas. (Ver noticia en xornal.vigo.org)

01/03/2019. Vigo celebra o Día Internacional das Mulleres cunha programación para todo marzo

Foto noticia
Baixo o lema "Loita Feminista. Vivas. Libres. Unidas", o Concello organiza actividades en distintos puntos da cidade co obxectivo de dar visibilidade á muller e de loitar xunto con toda sociedade pola igualdade de dereitos en tódolos ámbitos. (Ver noticia en xornal.vigo.org)

20/02/2019. Formación na procura de información sobre mulleres, xénero e igualdade

Foto noticia
O servizo de Igualdade organiza unha sesión formativa en orientación, educación, instrución e optimización de recursos sobre mulleres, xénero e igualdade. Será o luns 25 de 11:30 a 12:30 horas no Centro de Documentación Feminista, e previa inscrición. (Ver noticia en xornal.vigo.org)

07/02/2019. Actividades no Centro de Documentacion e Recursos Feministas

Foto noticia
O Centro de Documentación e Recursos Feministas dependente da Concellería de Igualdade do Concello de Vigo vén de presentar o seu programa de actividades que se desenvolverán no dito centro ata o vindeiro mes de abril.Entre as numerosas e diversas actividades atópanse as seguintes: presentacións e faladoiros de libros, club de lectura, visitas escolares, formación de usuarias, etc. (Ver noticia en xornal.vigo.org)

04/02/2019. Obradoiro de edición en Wikipedia

O Centro de Documentación e Recursos Feministas de Vigo (CDRF), dependente do Concello de Vigo, organiza un obradoiro de iniciación á edición en Wikipedia co obxectivo é formar mulleres paraeditar na Wikipedia e Galipedia e que colaboren na incorporación de contidos, reducindo así a brecha de xénero e aumentando o número de mulleres editoras nestas enciclopedias colaborativas. (Ver noticia en xornal.vigo.org)